RSS

You are here

I Mihajlovićka: Srbikane lačardutne te oven partnerja avrijalutne kompanienge ano bare projektja

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura,  prof. dr  Zorana Mihajlović, phendja avdive kaj Srbia džala ani lačardipe 650 km neve auto-dromja, thaj kaj reso sito ano avutne projektja kherutne firme ovena partnerja avrijalutne kompanienge.

 

"Kherutne lačardimaske firme ake akana siton ano lačardipe sa auto-dromjenge thaj ano dromutne rehabilitacie, ama ka kera šaipe ano periodi so avela te resa te ovelolen partneripaski relacia, jase te oven partnerja avrujalutne firmenge ano projektja save ka kerenpe. Reso sito kaj kherutne firme nane numa anglune telokerdutne, več partnerja sar po lokhe šaj te konkurišinen pedo projektja", phendja  Mihajlovićka vaš TV Prva.

 

Voj phendja kaqj dži akana sine lafi kotar odova sar kherutne firme te phanenpe vaš po loke te pheren kriterijumja, ama ka dikhlarolpe ini sar olenge te ažutinolpe ano leipe neve vastušeja thaj te denpe disave garancie save olenge ka lokharen leipe bukjengo.

 

Voj phendja kaj sitoj barikani pedo sa so kerdilo dži akana ani infrastruktura thaj kaj 2019. berš phare kaj ka kerolpe pana jekh drom, soske ano akava berš agorisinelape Koridori 10 thaj jekh kotor auto-dromesko "Miloš Veliki" thaj lelape lačardipe pobuder neve auto-dromja.

 

"Projekti Šumadijako koridori "Vožd Karadjordje" džala praktikane kotar nula, ka kerolpe kompletno projekteski-tehnikaki dokumentacia thaj leipe bukjengo šaj te adžukhara ano 2021.berš. Pala odova so sinamen ano 2014. berš, avdive odova našti te ovol, našti te phanenpe kontraktja a tana ovol lačardo projektesko-tehnikaki dokumentacia jase te lenpe bukja a tana ovol agorisimi ekspropriacia", phendja i Mihajlovićka.

 

Trujal 650 km neve auto-dromja save ka lačarenpe ano odova čhiva trasa Preljina-Požega thaj Novi Beograd-Surčin ano auto-drom"Miloš Veliki", duj trase auto-drom Beograd-Sarajevo kotar Sremeski Rača dži Kuzmin thaj kotar Požega dži Kotormani, angluni trasa auto-dromeski Niš-Merdare-Priština kotar Niš -Pločnik, Fruškogorako koridori, auto-drom thaj sigutni dromutnikani Ruma-Šabac-Loznica, Moravako thaj Šumadijako koridori.