RSS

You are here

I Mihajlovićka: Štar milijarde ano dromutni thaj pondž milijarde ano sastrunali infrastruktura ano Boresko regioni

Telopresidentka Thagarutna Srbiako thaj ministarka vaš lačharipe, dromutnipe thaj infrastruktura, prof. dr Zorana Mihajlović, sine avdive kupate e ministrea ternengo thaj sportesko Vanja Udovičić ano Majdanpek, kote e počekatunea Boresko regioni, dizake počekatunea
Boresko thaj presidentjenca ano komune Negotin, Kladovo thaj Majdanpek vakharde kotar dromutni thaj sporteski infrastruktura, sastrunalo dromutnipe thaj aver teme kotar resori Ministribasko.
 
I Mihajlović phendja kaj ano akava berš ka investirinolpe štar milijarde dinarja ano dromutni infrastruktura ano Boresko regioni, dži vaš sastrunalo dromutnipe ando Zaječaresko thaj Boresko regioni ano akava thaj ano berš savo avela ka investirinolpe pondž milijarde dinarja.
 
“Adikhardjam konstruktivno bešipe ano savo, maškar sa aver, halilam, kaj ano akava berš te kera rekonstrukcia dromenge Kučevo-Majdanpek, Kladovo-Milutinovac, Selište-Bor, sar ini Negotin-Zaječar. Potencijali ano Boresko regioni si but thaj angluni impresia kotar bešipe sito kaj manuša akate siolen energija, optimizmi thaj šuže plajna so mangena te realizuinen”, phendja Mihajlovićka.
 
Voj pana phendja kaj vaš Thagarutni Srbiaki nane bare thaj tikne dizja, semne thaj pohari semne thaj lelape lačharipaski sezona thaj baro gendo projektjengo save ka realizuinenpe ano akava agor. Voj ušardja ini standardja pedo save kerelape rekonstrukcia sporteski hala ano
Majdanpeko, savi ka ovol energetikani pherdo efikasno.
 
Vanja Udovičić, ministri ternengo thaj sportesko, phendja kaj avdive vakhardja kotar realizuime thaj avutne projektja semne vaš dizutne ano Boresko regioni, thaj kaj but avipe ano akava agor argumenti kaj javinutni Srbia poulavdipe semni vaš Thagarutni Srbiaki.
 
“Amaro reso te pašara turistjen, te bajakara sporteski infrastruktura thaj te zorakara ternenge organizacije. Numa ano Sportesko centri “Karataš” dži akana investirisalo 210 milijojna dinarja. Adjahar, manga te vazda e ternen te ažutinen ano barjaripe lokalno kupatnako. Nais telopresidentkake Mihajlović so ano majučipe prioritetjengo čhivdi na numa barjaripe infrastrukturako, već ini devipe dumo džuvlikane sporteske”, phendja vov.

 
Dragan Popović, presidento Komunako Majdanpek, phendja kaj pakjavela ani Thagarutni Srbiaki thaj ministrja save avdive siton ano Majdanpek, soske sikavde kaj pherena odova so phende.
 
“Avdive halilam so ka sa realizuina ano jekh berš so avela. Ano starti majesko adžukarelamen putaripe sportjengi hala saveski rekonstrukcia sitoj akana”, phendja vov.
 
Vladimir Stanković, počekatuno Boresko regioni, phendja kaj kotar baro semnipe phandipe ministribasko thaj lokalno korkorodirekcia thaj avdive vakherdilope kotar but plajna save ka realizuinenpe ano akava thaj ano berš savo avela.
 
“Akava sito baro anglipe vaš Boresko regioni thaj sigurno sim kaj anglune rezultatja avdisutne haljovipaske ka dikha ano akava berš”, phendja Stanković.