RSS

You are here

I Mihajlovićka: Startuina 17.majea bukjenca ano lačaripe auto-drumo Preljina-Požega

I Telopresidentka Thagarutnaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, phendja avdive kaj bukja kotar lačaripe auto-dromesko Preljina-Požega ano Koridori 11 ka lelpe 17. majea. 

 

Amboldipa pedo pučipe žurnalistjengo phando e kontraktjenca thaj memorandumjenca hramisardime ano Dujto forumi "Kustik thaj drom" i Mihajlovička phendja kaj ano Peking maškharo aver hramisardilo finansijsko kontrakti vaš lačaripe akala deonicako ano molipe 450 milijojna evrja. "Akaja deonica, lungi 30,9 km, semni vaš phandipe Srbiako e regioneja, soske ola na phandahape numa e Crna Gora, već ini lungara lačaripe auto-dromesko vaš Bosna thaj Hercegovina. E neve investiciako ciklusea savo lelape ano akava berš, ano molipe pobut kotar pondž  milijarde evrja, šaj te adžukharelpe kaj e Srbia te ovol kompletno phandi auto-dromjenca", phendja i Mihajlovićka, savi avdive sine te dikhol bukja ano lačaripe sektori B trujalutni trujal Beogradi, kotar Ostružnica dži Bubanj potok.

 

Voj lepardja kaj ano Peking hramisardilo ini memorandumi phando e realizacia projektesko vaš Beogradesko metro, memorandumi vaš lačaripe sektori C trujalutnipe trujal Beogradi kotar Bubanj potok dži Pančeva, sar ini finansijsko kontrakti vaš lačaripe deonica sigutno sastrnalodrom Beograd-Budimpešta, kotar Novi Sad dži Subotica. "Adžukarava kaj kontrakti vaš deonica Novi Sad-Subotica arakha ano maji ano parlamenti, a reso sito amaro kaj dži po agor beršesko startuina bukjenca", phendja i Mihajlovićka.