RSS

You are here

I Mihajlovićka: Startuina lačardipe šov auto-dromja ano akava thaj berš so avela

I Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr  Zorana Mihajlović, phendja kaj Srbia ano akava thaj ano berš so avela ka lol te lačardol šov neve auto-dromja, a paralelno ka gatisarinol lačardipe šumadijako koridori "Vožd Karadjordje". 

 

I Mihajlovićka, amboldipa pedo pučipe žurnalistjengo ani Smedereva, kote dikhlardja nevo robaki pruga, phendja kaj sig lelape lačardipe trasako auto-dromesko Beograd-Sarajevo, Sremeski Rača-Kuzmin.

 

"Lelam te kera lungaripe auto-dromesko "Miloš Veliki" pi trasa Preljina-Požega. Adžahar, hramisardilo kontrakti vaš trasa Novi Beograd-Surčin. Adžahar, adjžukharelape te startuinen bukja ani sigutni dromutnikani thaj auto-drom Ruma-Šabac-Loznica ano novembri", phendja i Mihajlovićka, thaj pana pherdja, kaj ano akava berš lelape ini lačardipe Moravako koridoresko, kotar Preljina dži Pojate.

 

Voj phendja kaj ano starti beršesko so avela manglape te lenpe bukja ini pedo lačardipe trasako Niš-Pločnik ano auto-drom Niš-Merdare-Priština.

 

"Šumadijake koridoreske dendjam anav Vožd Karadjordje thaj momentalno e Institutea vaš droma legarenape vakheripe ano savo kotor ka ovol sigutni dromutni, a ano savo ka ovol auto-drom. Akana sijam ano starti bukjako, so semninela kaj formirina bukjake thaj operativno-bukjake grupe. Reso sito te oven phande Lazarevac, Mladenovac, Aradjelovac, Topola, Rača, Svilajnac, Despotovac thaj Bor, ama ini kaj nevo drom phana pedo Koridori 10 thaj "Miloš Veliki", phendja voj.

 

Voj pana pherdja kaj phandipe odolestar ka ovol mi sigutni dromutnikani jase auto-drom thaj ka kerolpe mi phandipe neva dromutnikani pedo Koridor 10 thaj pedo auto-drom "Miloš Veliki", molipe lačardipasko  dromesko"Vožd Karadjordje" ka džal kotar 1,7 milijarde thaj 2,4 milijarde evrja.

 

"But pana bukja manglape te kerolpe dži leipe bukjengo, te gatisarinolpe projekteski dokumentacia, paralelno te dikhlarolpe ini čhandipe finansiripasko, adžahar kaj nane realno o bukja  te lenpe ano berš savo avela", phendja i Mihajlovička.