RSS

You are here

I Mihajlovićka: Tahara putara tenderi vaš Moravako koridori, pratsav kotar strategiako partneri anela Thagarutni

I Telopresidentka Thagarutnaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj devipe ano tenderi vaš lačardipe Moravako koridori  ka oven putarde tahara, thaj kaj adžukharela ano dešutne dive Thagarutni te anol pratsav kotar strategiako partneri.

 

"Thagarutni Srbia alosardja te lačarol Moravako koridori savo ka phanol šelutne milje manuša kotar Kruševci dži Čačak, thaj te phanol Koridori 10 e auto- dromea "Miloš Veliki", sar ini e avutne auto-dromea  savo džala ki Bosna thaj Hercegovina", phendja i Mihajlovićka vaš TV Prva.

 

Voj pana phendja kaj palo putaripe tenderi ka bešol komisia savi ka dikhlarol dendipe firmengo thaj adžukharela ano deš dive save avena e Thagarutni te anol pratsav kotar strategiako partneri. "Ano gatisaripe publikako akharipe nakhlilo dži ko majtiknore kotora, a poangle andilo ulavdo kanuni, talokanuneske aktja thaj but kriterijumja vaš odova tana daj dženo siole disavo anglipe", phendja i Mihajlovićka.

 

Voj pana phendja kaj angluni nota molipaski vaš lačardipe Moravako koridori, jase auto-drom Pojate-Preljina,  paše 800 milijojna evrja, zorakhardi pedo fakti kaj siton trin projektja ano jekh. "Projekati Moravako koridori nane numa lačardipe auto-dromesko, odova sito ini regulacia lejnaki Morava thaj oleke lenjorengo, sar ini lačardipe telekomunikaciaki infrastruktura", genavdja i Mihajlovićka.