RSS

You are here

I Mihajlovićka thaj Lo Kašo: Agorisipe Koridori 10 semno ini vaš EU

I Telopresidentka Thagarutni Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, malavdisali avdive e ambasadorea Italiako ani Srbia Karlo Lo Kašoa, savea vakhardja kotar anglunipe maškharipasko duje phuvjengo ani umal transporti.

 

O Lo Kašo bahtakerdja e telopresidentkake po agorisipe thaj mukhipe ano dromutnipe mesemrrigako phak Koridor 10 prekal Grdelicaki klisura, thaj phendja kaj Srbia siola baro devimedumo kana sito regionalno phandipe thaj lačaripe infrastruktura ano pučipe. 

 

„Italia ka lungarol te dol zoralo devipedumo po drom Srbiako ki Evropaki unia. Agorisipe Koridori 10 kotar baro semnipe ano odova procesi, bičhalden  palem informacia dizutnenge vaš save molipe thaj  resja tumen sikhavena", phendja ambasadori Italiako ani Srbia.

 

I Telopresidentka Mihajlović adžahar sitoj vaš odova kaj Koridori 10 but semno vaš amari phuv thaj sikavdja pačavipe kaj maškharipe e Italia ka ovol pana pošukhar, poulavdipe ani umal sastrnalutno dromutnipen. 

 

I Mhajlovićka thaj Lo Kašo siton ano jekhavazi kaj baro semnipe ovela vaš solduj phuvja te hramisaren bilateralno halovipe maškhar Ministribe vaš lačaripe, dromutnipe thaj infrastruktura Srbiako thaj Italiako Ministribe infrastrukturako thaj dromutnipasko, ano reso barjaripe thaj anglunisaripe ani umal sastrnalutni infrastruktura.