RSS

You are here

I Mihajlovićka thaj o Mondoloni kotar vizita savo ka kerol presidento Makron ani Srbia

I Telopresedentka Thagarutna Srbiaki thaj ministarka vaš lačaripe, dromutnipe thaj infrastruktura, prof.  dr Zorana Mihajlović malavdisali avdive e ambasadorea Franciako ano Beogradi, Frederik  Mondolonijea, savea vakhardja kotar vizita savi manglape te ovol kote presidento Franciako Emanuel Makron  avela ani Srbia thaj šaipe vaš podur maškharipe ani umal infrastrukturake projektja.

 

Аmbasadori Mondoloni naisardja e telopresidentkake  pedo but lačo maškharipe thaj so kerela but kotar kupatne projektja, pheniba kaj kana ka ovol vizita presidento Makroneski ka ovol svato ini kotar bare infrastrukturake projektja - koncesia Aerodromeski "Nikola Tesla" kotar franciaki kompania "Vansi", lačaripe sistemi vaš te šužarolpe komunalno buništa thaj produkcia tatipaski thaj elektrikani energia ani Vinča, sar ini lačaripe metro ano Beogradi.

 

 I Mihajlovićka phendja kaj koncesia beogradesko aerodromi thaj lačaripe sistemi ani Vinča projektja kotar nacionalno semnipe vaš Srbiake.

 

"Sugurno sem kaj ano berša anglo amende ka dikha bare rezultatja kotar koncesia Aerodromesko"Nikola Tesla". Sar so pendžardilen, formirindjam ini Bukjaki grupa vaš realizacia projekti lačaripe beogradesko metro, ano pučipe sito majbaro finansiako projekti ano akava kotor Evropako thaj ano periodi savo avela ka ana pratsav kotar čhandipe lačarimasko thaj modeli finansiripasko", phendja voj.

 

E vakherdutne sineton ano jekh kaj vizita savo ka kerol franciako presidento Makron ani Srbia kotar but baro semnipe vaš amare ini akana but šukhar bilateralno thaj amalikani realacie duje phuvjengo.