RSS

You are here

I Мihajlovićka thaj o Skat kotar lačaripe Moravskako koridori

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof.dr Zorana Mihajlović, vakhardja avdive e ambasadorea Khedutne Amerikake Raštre, Kajl Skatea, kotar realizacia projektja lačaripe Moravskako koridori, jase auto-drom Pojate-Preljina.

 

I Mihajlovićka phendja kaj akava projekti, ano molipe 800 milijojna evrja thaj vaš savo hramisalilo memorandumi e amerikaka kompania "Behtel", strategiako semno vaš Srbia soske phanela duj koridorja, Koridori 10 thaj Koridori 11, prekal centralno Srbia.

 

 “Akava auto-drom semno sito vaš sigutno baripe Srbiako, neve investicie, sar ini vaš regionalno phandipe. Amaro plani sito kaj ano nilaj te la te kera buti, a dži odote te arakha finansiripe", phendja i Mihajlovićka.

Аmbasadori Skat phendja kaj kompania "Behtel" sila baro džandipe ani realizacia bare infrastrukturake projektja ani buflardi lumija thaj ka pačavela kaj odova ka dikholpe ini ano projekti Moravskako koridori.