RSS

You are here

I Mihajlovićka: Тurkiaki Eksim banka mangela te investirinol ani infrastruktura Srbiaki

I Telopresidentka Thagarutna Srbiaki thaj ministarka vaš lačaripe, dromutnipe thaj infrastruktura, prof. dr Zorana Mihajlović, vakhardja avdive e Enis Gultekinea, presidento turkiaki Eksim banka, kotar maškharipe ani umal infrastrukturake projektja thaj investiripe ani Srbia.

 

I Mihajlovićka phendja kaj Srbia thaj Turkia siole but šukhar bilateralno relacie, so sikhavela ini amalikano relacie presidentjengo duje phuvjengo, thaj kaj si thanipe vaš maškharipe pana but.

 

"E turkiake komapnienca ake kera buti ano disave bare infrastrukturake projekatja ano dromesko dromutnipen, maj angle ano lačaripe avutno auto-drom Beograd-Sarajevo thaj rekonstrukcia dromutnipaski kotar Nevo Pazari dži Tutin. Sar Tumenge sito pendžardo, Srbia sitoj ano šukhar drom kana sitoj ekonomia thaj barjaripe phuvako ano pučipe, siamen stabilno budžeti thaj publikake finansie, so sito anglošarti ini vaš podur investiripe", phendja voj.

 

O Enis Gultekin phendja kaj akaja turkiaki banka interesimi vaš investiripe ani Srbia thaj ka inicirinol bešipe turkiake thaj srbiake biznismejna. 

 

"Dovada sijam kaj Srbia sigipa barjola, manga te da dumo projektjenge ani tumari phuv thaj interesime sijam te vakhara kotar šartja finansiripaske. Šaipe vaš maškharipe si but, sar ani umal dromutnipaski, adžahar ini ano aver infrastrukturake projektja", phendja vov.

 

Ano bešipe telopresidentkako Thagarutnako thaj presidento Eksim banka lela kotor ini ambasadori Turkiako ani Srbia Tanžu Bilgič.