RSS

You are here

I Mihajovićka thaj Tjurdenjev: Šukar maškaripe Ministribesko thaj NIS-esko

Telopresidentka Thagarutni Srbiaki thaj ministarka vaš lačharipe, dromutnipe thaj infrastruktura, prof. dr Zorana Mihajlović, arakhlape avdive e Kiril Tjurdenjevea, generalno direktorea Naftaki industria Srbijaki, savea vakhardja kotar maškaripe Ministribasko thaj akala kompaniako.

Mihajlovićka phendja kaj NIS jekh kotar strategiako partneri Thagarutna Srbijake thaj kaj adjukarela šukar maškaripe te lungarolpe ano avutno vakhti.

„Investicie savo NIS realizuinela ani Srbia semne siton vaš amari ekonomia thaj BDP. Putarde sijam vaš podur maškaripe thaj ažutipe. Sar sito tumenge pendjardo, Srbija agorisinela semno Koridori 10, lungarela lačharipe Koridori 11 thaj inicirinela nevo investiciono ciklusi ano molipe kotar pondž milijarde evrja. Ano amare auto-dromutne numa ano 2018. berš nakhle 53 milijojna automobilja, so vaš 20 milijojna pobuder ze anglo duj berš. Sigurno sim kaj kupate šaj te anglunisara servisi e dženenge so legarena automobilja, a jekh kotar čhane sito učhardipe trasako elektropherdutnenca”, phendja Mihajlovićka.
 
Kiril Tjurdenjev phendja kaj kompanija NIS e Ministriba vaš lačharipe, dromutnipe thaj infrastruktura siole jekh kotar majsuksesno maškaripe thaj momentalno akana realizuinenape trin bare projektja – lačharipe mašinengo vaš hor keripe, investiripe ano energotatutni ani Pančeva thaj balvalparki ano Plandište.
 
„Vaš sasavo todinipe sito e save efikasipa legarena jekh adjahar akava kompleksno ministribe thaj sar realizuinena bare projktja. But sijam putarde vaš maškaripe, energetikaki tranzicija sitoj jekh kotar klidutni tema ini vaš amenge, manga te lačhara benzineske stanice uzo koridororja, a ano plani sito te lundjara investiripe ano aerodrome thaj objektja ano savo adikharelape benzini vaš aeroplajna”, phendja o Tjurdenjev.