RSS

You are here

I Mihalovićka: Koridori 10 sito gata, ano savatone mukha ole ano dromutnipe

„Mesmerrigako phak Koridori 10 kotar Ungaria dži Šudrorigaki Makedonia kompletno sito gata thaj ano savatone lošaipa mukha ano dromutnipe. Kerdjam auto-drom vaš amare themeske thaj sikhavdjam kaj džana te agorisina e buti, sar ini so dendjam svato", phendja avdive telopresidentka Thagarutna Srbiaki thaj minastarka vaš lačaripe, dromutnipe thaj infrastruktura, prof. dr Zorana Mihajlović.

 

Voj, dostuipa ano detharin programi TV Prva, phendja kaj Srbia definitivno phandi auto-dromea kotar Horgoši dži Preševa thaj kaj lačardilo majmoderno auto-drom, po sa evropake thaj lumijake standardja, thaj putaripe Koridori10, paluni deonica prekal Grdelica, ka resol pobaro nakhipe dromutnipasko.  

 

„Grdelica sito master-keripe thaj majphare lačardutno than ani Evropa. Sine but problemja, nakhavdjam e len thaj jekh kotor sastrnalo koridori, ani deonica arakhelape duj majlunge tunelja, Majnale thaj Predejane, 36 purtja, savenda purt Vrla učo 62 metarja, kerdile efta neve kosine thaj lačardile alternativno dromja. But buti sitoj pala amende, sine amenge semno te agorisina auto-drom angli sezona, soske ole kerdjam vaš  dizutne akala phuvjake", phendja i Mihajlovićka.

 

I Telopresidentka Thagarutnaki phendja kaj Srbia avdive pendžardi sar majsig ruta thaj kaj 2018, prekal amari phuv nakhla 56 milijojna automobilja, jase 20 milijojna pobuder ze 2014.berš. 

 

„Agorisina koridorja, odova sito semno vaš amari phuv thaj neve investicie, thaj la lačaripe neve. Tahara lenape bukja pedo lačaripe Koridori 11 kotar Preljina dži Požega, ano nilaj amen adžukharela leipe nevo auto-drom vaš BthajH, kotar Sremesko Rača dži Kuzmin, sar ini Moravskako koridori, but semno vaš Srbia soske ka phanel Koridori 10 thaj 11, thaj bare dizja ano centralno kotor phuvjako", phendja voj.

 

I Mihajlovićka phendja pana kaj Srbia avdive stabilno raštra, e stabilno budžetea thaj ekonomia, so amenge dela šaipe te investirina ani infrastruktura.

 

„Коridori 10 sito bari škola. Veke nijekh projekti na la te kera dži sa po angle nane gatisirimo-plajna, projektno-tehnikaki dokumentacia, eksproprijacia. Nane bianglodikhlarde situacie", phendja voj.