RSS

You are here

Јekh kotar majbare lačardimaske kompanie ani lumia ani vizita ko Ministribe

Dženutne Ministribaske  vaš lačardipe, dromutnipe thaj infrastrukrura, vakharde avdive  e dženutnenca kinaka kompaniako CSCEC (China State Construkcion Engineering Corporation), kotar šaipe vaš maškharipe ano infrastrukturake projektja.

 

"Srbia thaj ThR Kina siolen sa pošukhar maškharipe ano sa umalja, saveske resena ini šukhar relacie maškhar presidentja thaj thagarutne duje phuvjenge. Ano akava berš Srbia agorisinela disave bare projektja sar so sito lačardipe dromesko Koridori 10, ama ini leipe lačardipasko neve auto-dromja thaj lungara te investirina ano sastrnalutno, aeresko thaj pajnesko dromutnipen", phendja raštrako sekretari ano Ministribe vaš lačardipe, dromutnipe thaj infrastruktura, Miodrag Poledica.

 

Dženutne kompaniake phende  kaj uzo projektja save ka keren ani Bosna thaj Hercegovina, interesuime ini vaš neve projektja thaj pozicioniripe kompaniako ano regioni centralni thaj javinutni Evropa.

 

 "China State Construction Engineering Corporation" po aver aver kriterijumja, majbari kompania ani lumia, savi kerela biznisi ano pobuder kotar 100 phuvja, siola pobuder kotar 270.000  bučarne thaj realizindi  dži akana paše 5.000 projektja. Kompania kerela projekcije thaj investicie ani infrastruktura, ano odova ini  auto-dromja, purtja, portja, aerodromja, sar ini lačardipe bešipaske thaj bizniseske soliterja.