RSS

You are here

Konzorciumi "Behtel-Enka"numa bičaldja tenderi pe publikako akharipe vaš lačardipe Moravako koridori

Bukjaki grupa vaš alosaripe strategiako partneri ano reso realizacia projekti lačardipe infrastrukturno koridori auto-drom E-761 trasa Pojate-Preljina (Moravako koridori), sava preseduinela telopresidentka Thagarutna Srbiaki, prof. dr Zorana Mihajlović, adikhardja avdive dujto bešipe pedo savo putarile tenderja pe publikako akharipe vaš akava projekati.

 

Bukjaki grupa, savi formirindja Thagarutni Srbiaki, ano avdisutno bešipe kerdja konstatacia kaj dži po nakhipe rokesko ali numa jekh registracia pe publikako akharipe, a bičaldoj o konzorciumi "Behtel-Enka".

 

Palo dikhlaripe pherdipe kriterijumja kotar publikako akharipe, Bukjaki grupa ka kerol raporti savo ka dol ani Thagarutni Srbiaki, savi anela pratsav kotar alosaripe strategiako partneri vaš lačardipe Moravako koridori.

 

Moravako koridori ka ovol lungo 112 km thaj ka phanol Koridori 10 thaj auto-drom "Miloš Veliki" thaj sa pobare thana ano akava regioni ano savo dživdinena paše 500.000 manuša, ano odova ini Čačak, Kraljevo.Vrnjačka Banja, Trsteniko, Kruševaci, Stalać thaj Ćićevac.

 

Uzo lačardipe auto-dromesko, projekti astarela ini regulacia Zapadno Morava thaj olake lenjorja, sar ini lačardipe telekomunikaciako infrastruktura.

 

Džene Bukjake grupake siton, uzo aver, ministri finansijengo Siniša Mali, ministri ekonomiako Goran Knežević, ministri agroekonomiako, vešipasko thaj pajnesko ekonomiako Branislav Nedimović, ministri vaš uluvipe dživdipasko maškharipe Goran Trivan, raštrake sekretarja ano Ministribe ekonomiako,  Ministribe finansijako, Ministribe agroekonomiako,vešipasko thaj pajnesko ekonomiako thaj Ministribe vaš lačardipe, dromutnipe thaj infrastruktura, šefi  ano kabineti presidentkako Thagarutnako Miloš Popović, šefi ano kabineti presidento Srbiako Ivica Kojić, k.b. direktori Direkciako vaš publikako bordži Ana Tripović, raštrako juridikakoarakhutno Olivera Stanimirović, dženutne kotar Arakhipasko-informativno agencia, k.b. generalno direktori JP "Putevi Srbije" Zoran Drobnjak thaj direktorja sektoreske ano JP "Putevi Srbije".