RSS

You are here

Kupatni grupa vaš Doing Business lista: Te sigarolpe ikalipe lokaciake čhinavdipe thaj lačarimaske mukhlipaske lila ano Beogradi  

I Telopresidentka Thagarutni Srbiaki, prof. dr Zorana Mihajlović, preseduindja avdive e bešipa Kupatna grupa vaš anglunisaripe pozicia Republika Srbiaki ano rang-lista Lumijaka bankako kotar čhinavdipe bukjengo Doing Business lista , ano savo kotor lela ini presidentka Thagarutna Republika Srbiaki  i Ana Brnabić.

 

Ano bešipe analizirisali realizacia napjengi kotar Akciako plani vaš anglunisaripe pozicia Srbiaki pi Doing Business lista, kote dendili konstatacia kaj Ministribe juridikako, Ministribe ekonomiako, Ministribe vaš rudaripe thaj energetika, Republikako geodetsko zavodi thaj Kancelaria vaš inforamacienge tehnologie thaj elektronikani direkcia realizuinde jase lele te realizuinen vakhardutne napja.

 

 “Majbaro problemi sijamen e Sekretarijatea vaš urabanizmi thaj lačarimaske bukja ani Diz Beogradi, savo ano poro bukajkotruj musaj te ovol pobut efikasno, soske sigipe ikalipa lačarimaske mukhlipaske lila ani šerutni diz po ulavdipe adikharela rejtingo Srbiako ano Doing Business lista", phendja i Mihajlovićka. 

 

Ano bešipe lele kotor ini ministarka juridikako Nela Kuburović, ministri raštrako direkciako thaj lokalno korkorodirekciako Branko Ružić, ministri vaš inovacie thaj tehnologiako barjaripe Nenad Popović, dizapočekatuno Beogradesko Zoran Radojičić, raštrako sekretari kotar Ministribe trgovina, turizmi thaj telekomunikacie thaj Ministribe ekonomiako, Stevan Nikčević thaj Dragan Stevanović, sar ini dženutne kotar Ministribe finansijengo. Adžahar lele kotor ini presidento Privredno komora Srbiaki Marko Čadež, direktori Kancelariako vaš informaciake tehnologie thaj elektonikani direkcia Mihajlo Jovanović, k.b. direktorka Republikako sekretarijati vaš publikake politike Bojana Tošić, dženutne NALED-eske, sar ini dženutne so siolen publikake kompetencie Elektroprivreda Srbia, Republikako geodetsko zavodi thaj Agencia vaš ekonomikano registri.