RSS

You are here

Lelilo nevo sistemi vaš dikhlaripe thaj kontrola bukjengi ano lačaripaske thana andi buflardi Srbia

Nevo sistemi vaš dikhlaripe thaj kontrola infrastrukturno projektja savo čhivgja Ministribe vaš lačaripe, dromutnipe thaj infrastruktura sikhavdilo avdive e telopresidentkake ani Thagarutni thaj ministarkake, prof.dr Zorana Mihajlović.

 

I Mihajlovićka e bučarnenca sine ano sarphenlape "situaciaki livni", ani savi sito kedimo video-kontrola ando kritikake punktja ano lačarimaske thana ano Koridori 10, bukja ano sistemi raštrake droma, situacia ano aero-dromutnipe thaj pajnesko dromutnipe thaj save sakodive labarinena inžinjerja Ministribaske. 

 

"Bukja ano Koridori 10 dikhlarelape pobut kotar 20 kamere save siton rndime ano kritikake thana ano mesmer thaj javinutno phak, sar so sitoj Telunipe 2 ani Grdelicaki klisura thaj lačarimasko than ani deonica Prosek-Bancarevo ano javinutni phak Koridori 10, sar ini deonica ano Koridori 11, auto-drom dži Crna Gora, pedo savo bukja ano agorisipe" phendja inžinjeri Nebojša Pavlović, konsilutno telopresidentkako Thagarutnako.

 

I Mihajlovićka phendja kaj agorisipa lačarimaske bukja ani Grdelicaki klisura thaj kamere ka denpe ano neve projektja, maškhar sa ini odola kotar save  e kinake oficielno dženenca vakhardja ano paraštuj ano Samiti ano Dubrovniko, sar te resolpe dikhlaripe bukjengo kotar angluno dive.  

 

"Već sito gatisirimo kampi kerdutnengo ano auto - drom Preljina - Požega, a pedo nilaj lenape bukja pedo pana duj neve auto-dromja, Moravako koridori thaj pe auto-drom Beograd - Sarajevo, deonica kotar Sremsko Rača dži Kuzmin. Uzo odova, ka kerolpe tehnikaki dokumentacia vaš deonica Novi Beograd-Surčin, pe savo bukja lenape ano anglonilaj ano berš savo avela", phendja i Mihajlovićka