RSS

You are here

Mihajlovićka: Adikharipe dromengo ano leipe sezonako, a na sar po angle ano avgusti

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive bukja ani rehabilitacia etapako auto-dromesko Beograd-Niš, maškhar Pojate thaj Ražanj.

 

Mihajlovićka vaš odova phendja kaj angluno var bukja ano adikharipe dromengo lelepe ano starti lačardimasko sezonako thaj kaja nane sebepi odova te lelpe ano juli thaj avgusti,  kana sitoj majbari nilajeski sezona. 

 

“Momentalno kerelape pi rehabilitacia auto-dromesko ano trin thana, moldikano si te gatisara sa vaš dromutnipe savo, pakjavava, ka ovol so po but, ano maseka save avena. Ano avdisutno dive 4.200 bučarne angažuime ano majbare infrastrukturake  projektja ani Srbia”, phendja voj.

 

Mihajlovićka pana phendja kaj ano marti thaj aprili ano akava  berš ano auto-dromja notirisalo 4,8 milijojna automobilja, so vaš štar milijojna po hari ze ano nakhlo berš ano jekha jekh vakhti.

 

“Notirina peripe gabariti dromutnipasko kotar 60 šelestar, a delape nota kaj peripe avibelovesko paše 30 milijojna evrja. Škodripe ano dromesko dromutnipe si, dži po agor beršesko voj ka ovol paše kvašo milijarda evrja. Kotar dujto rig, amen sijam orjentišime tana tiknjara lovo vaš rehabilitacia dromengo ni na ka ovol nisavo cidipe ano lačardipe neve thaj rehabilitacia dromengo”, phendja voj.

 

Zoran Drobnjak, direktori JP “Putevi Srbije”, phendja kaj ano akava berš ka kerolpe rehabilitacia paše 2oo km auto-dromja ano molipe kotar paše pondž milijarde dinarja.

 

“Naisaripe Thagarutna Srbiaki thaj Ministribe dromutnipasko, lela love vaš adikharipe thaj rehabilitacia etape auto-dromesko. Ka kerolpe ki Subotica, maškharal Niš thaj Doljevac, maškharal Merošina. Ani akaja etapa kera rehabilitacia ano lungipe kotar 13 km thaj molipe paše 350 milijojna dinarja, ka ovol gata ano agor majesko. Pobuder kotar 25 berša na kerdilo buti pedo odova”, phendja vov.