RSS

You are here

Mihajlovićka: Adžukharava kaj nevi thagarutni ka ovol pana po šukhar thaj po efikasno

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja ko detharin, dostuipa ano TV Prva, kaj adžukharela nevi thagarutni Srbiaki te ovol pana po šukhar thaj po efikasno, e pana po but kvalitetno manuša ando olate.

 

“Thagarunti maj angle sitoj operativno trupo, majhari politikano. Thaj vaš odova semno si odote te oven  kvalitetno manuša, te keren sigate thaj efikasno. Kana sito lafi kotar mande, kamama mi buti, kerava ola sar ini poangle so kerava. Ano maškharipe urbanistikana sezonake sijam, mo dive sito jekha jekh sar ini poangle, mangava ta na dikhav anglune riga nevipaske thaj mi buti te kerav majšukhar so šaj, a rezultatja siton odola so amen orjentišinena.

 

Pedo pučhipe kotar nevi thagarutni, Mihajlovićka phendja kaj odova pučhipe dur kotar avdisutno dive thaj moldikano si majangle te formirinolpe parlamenti.

 

“Te sine kaj pučhena mande savi thagarutni mangava te dikhav, odova sito te ovol pana pošukhar thaj po efikasno, e so pobut edukuime, džandune thaj khabilutne manušenca. Savo dženo ka legarol ministribe pedo savesko čekat sim me, ka sugerišinav ministribe te ačhol jekhutno, soske džanava kobor akala resorja phande thaj odova sito klidi kaj o projektja realizuinenape po sig thaj po efikasno. Kana 2014. formirindjam thagarutni, Aleksandar Vučić andja odoja pratsav thaj sikhavdili sar but šukhar”, phendja i Mihajlovićka.