RSS

You are here

Mihajlovićka: Akava sito starti bara akciako ikalipe bratime germaniake flote kotar Dunavi

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, hramisarda avdive kontrakti ano molipe 1,5 milijojna evrja savea lelape bari akcia ikalipe bratime germaniake marebaske berja kotar Dujto lumiaki  mareba ano Dunavi ko Prahovo.

 

“Akale kontraktea la akcia pedo savi adžukhara 75 berš, vaš definitivno te ovelamen Dunavi savo ka ovol vaš tradipaske kompletno prekal Srbia. Sar angluno definitivno te zorakhara so kotar eksplozivi thaj mudaripaske vastušeja thaj kobor si ano 23 bratime berja, so sito anglunošarti kaj ano berš savo avela šaj arakhipa te la te ikala odola kotora, vaš savo ka ulava 23 milijojna evrja”, phendja Mihajlovićka, so pana phendja kaj sebepi biarakhipaski thaj pharipasko pajneskotradipe ano akava kotor Dunavesko ano berš našala pondž milijojna evrja.

 

Voj pana phendja kaj palo 30 berš Srbia inardili pedo lačardipe infrastrukturako.

 

“Uzo dromutne, sastrnalutne thaj avio koridorja, investirina 380 milijojna evrja ano pajnesko dromutnipe. Ikalipe bratime germaniake flote ka resolpe kaj len Dunav te ovol tradimi sa 365 dive ano berš, so sito semno vaš amari ekonomia thaj arakhipasko pajneskotradipe”, phendja i Mihajlovićka.

 

Direktorka Evropaka investiciako bankako (EIB) vaš Rjačutno Balkani Dubravka Negre, kotar olengo krediti finansirinelape angluni faza, phendja kaj projekati siole na numa buflo istoriako semnipe, uč sito moldikano ini vaš podur ekonomikano barjaripe Srbiako.

 

“Ministribe vaš lačardipe, dromutnipe thaj infrastruktura pendžardja semnipe investiripasko ano pajnesko dromutnipe, sar pošužardo thaj arakhipasko forma transporteski thaj Srbia numa jekh phuv avri EU ani savi EIB investirinela ano pajnesko dromutnipe. Dunavi arakhelape ano Panevropako koridori thaj realizacia akale projektesko ka resolpe e roba posig thaj poefikasno avela dži phuvja EU-ke, so sito semno vaš Srbiaki ekonomia”, phendja voj.

 

Šefica kancelariako UNDP ani Srbia Fransin Pikap phendja kaj akava butdekadengo problemi savo naisaripa majbut bukjake savi dela Telopresidentka Thagarutnaki ka ovol ini realizuimo.

 

“Ikalipa bratime flote ka anglunisara arakhipe ano pajnesko tradipe, pošukhar uluvipe dživdipasko maškharipe thaj ekonomikano anglunipe kana dikhelape ekonomikano thaj turistikano dromutnipe”, phendja i Pikap.

 

Počekatuno Boresko regioni Vladimir Stanković naisardja e presidenteske Republikako Aleksandar Vučićeske thaj telopresidentkake Thagarutnake Zorana Mihajlovićake pedo butipe kaj akava projekti te realizuinolpe, soske odova but ka semninel sa komunenge ani Djerdapeski klisura.

 

Ano maškharthemutno tenderi buti vaš keripe projekti te locirinelpe thaj te rodenpe mudaripaske vastušeja ano bratime germaniake flote lela konzorciumi srbikano/germaniako/austriake kompanie savo legarela “Mull und Partner” thaj “Millennium Team”.