RSS

You are here

Mihajlovićka ando starti bukjengo pe lačardipe sigutni dromutnikani savi ka phanol Valjevo e auto-dromea “Miloš Veliki”

Telopresidentka Thagarutni Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, lela kotor avdive khupate e presidentea Republika Srbiako Aleksandar Vučićea pedo leparnipe starti bukjengo pedo lačardipe sigutni dromutnikani Lajkovac-Iverak.

 

Pedo leparnipe starti bukjengo lele kotor ini Čen Bo, ambasadorka ThR Kinaki ani Srbia, thaj Džang Djančao, generalno direktori kinaki kompaniako “Shandong”.

 

Mihajlovićka kotar odova phendja kaj Srbia avdive averčhane phuv ze so sine anglo disave berša, maj angle sebepi bare infrastrukturake projektja save agorisalile.

 

“Lačardipa sigutni dromutnikani save ka phanol Valjevo e auto-dromea “Miloš Veliki” pherdjam pana jekh dendolafi save dendjam sa Valjevacjenge. Lundjara te lačara Srbia ani savi khanči veke nane durutno”, phendja voj.

 

Presidento Vučić phendja kaj agorisipa projektesko Valjevo ka lol eskluzivno sigutni dromutnikani, sar ini kaj akale projektea ka ovol lačardo ini balaja lejnako Kolubara.

 

“Kotar Valjevo dži Beogradi ka avolpe pohari kotar jekh sat, neve investitorja ka aven ano Valjevo, ka oven neve bukjake thana. Sakova nevo rezultati rodela neve zoralipe. A avdisutne rezultatja šaj te merinenpe thaj te dikhlarenpe ini odolenca po angle ini odolenca so ka aven. Amaro reso sito te inara manušen ani Valjeva thaj Kolubaresko regioni, savo lela but e neve dromea. Vaš duj tekvaš berš dži Valjeva ka avolpe de facto auto-dromea. Te dživdinol Valjevo, te dživdinol Srbia!”, phendja o Vučić.

 

Elementi akale projektesko sito ini kompletno lačardipe lejnako Kulubara thaj pajnengophiripe, so ka čhinol podur avipe bere pajnesko ano akava kotor Srbiako.

 

Sa lungipe etapako sito 18,3 km, ano trasa ka oven 25 objektja, 2,5 km purtja thaj jekh kombo drom. Finansijeri projektesko sitoj Thagarutni Republika Srbia, investitori “Putevi Srbija”, a bukja ka kerol kinaki kompania “Shandong”.