RSS

You are here

Mihajlovićka ani Vranja: Khera vaš askeria thaj policia ano marti, pana 32 miliojna vaš infrastruktura

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive agorisibaske bukja ano lačardipe apartmajna vaš zoralipe arakhipaske thaj lela kotor ano starti bukjako vaš lačardipe sistemi vaš šužaripe melale pajnengo ani Vranja.

 

Voj kotar odova phendja kaj investirinelape 32 milijojna evrja ano komunalno infrastruktura ani Vranja, save ka oven agorisime dži po agor 2021. berš, thaj kaj odova talohalovela projektja vaš pajneskoanipe, šužardutne melale pajnengo thaj regulišipe gunojako.

 

“Vranje siole auto-drom, agorisinela piri komunalno infrastruktura, angluni diz savo gatisardoj sa musajutno vaš lačardipe apartmajnengo thaj ka ovol angluni diz savi ka dol natarja apartamajnengo e dženutnenge ano servisi arakhipasko. Vranje sito diz savo trubul te ovol misal sar sa šaj te funkcionišinel. Saste veste”, phendja i Mihajlovićka.

 

 Anglo leparnipe starti bukjako vaš lačaripe sistemi vaš šužardipe melale pajnengo, Mihajlovićka dikhlardja ini agorisibaske bukja ano lačardipe apartmajnengo vaš dženutne ano servisi arakhipasko.

 

“Anglo jekh berš akate na sine khanči. Akana agorisina 186 apartmajna thaj anglune natarja ka da po agor martesko.Vranja angluni diz ani infrastruktura”, phendja voj.