RSS

You are here

Mihajlovićka ano Bratunac: Politika Presidento Vučićeski thaj srbikana thagarutnaki sitoj konekcia regioneski

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vizituindja avdive Bratunac thaj kupate e ministrea vaš komunikacie thaj kinipe-biknipe ki  Bosna thaj Hercegovina Vojin Mitrovićea dikhlardja lačardi purt Bratoljub thaj hramisardja Halovipe kotar lačardipe kupatno samatrendako nakhavipe, sar ini Halovipe kotar adikharipe thaj rekonstuišipe maškharraštrake purtja maškhar Srbia thaj BthajH. Ano hramosaripe lela kotor ini ambasadori Srbiako ani BthajH Aleksandar Djordjević.

 

Mihajlović kotar odova lepardja kaj purt agorisalilo 2017. thaj kaj adžukharela kaj dži marti ano avutno berš ovena agorisime ini bukja pedo lačardipe kupatno samatrendako nakhavipe angluna kategoriako.

 

“Vaš odova akala bukja siton akana majmoldikane. Te kera kaj themja te phanenpe, soske regionalno phandipe majmoldikano šarti vaš barjaripe amare raštrengo, a odova sitoj politika presidento Srbiako Aleksandar Vučićeski thaj amara thagarutnaki. Hramosardjam duj moldikane halovipa. Srbia resla ano budžeti 15 milijojna evrja vaš adikharipe šov purtja, dži aver pondž ka adikharol BthajH. Purtja ano nakhutne vakhtja amen sine ulavena, a avdive phanena”, phendja voj.

 

Telopresidentka Thagarutnaki lepardja ini pedo aver moldikane infrastrukturake projektja save Srbia realizuinela ano reso phandipe e BthajH thaj regioneja.

 

“Molipe projektjengo save amen phanena e BthajH sito 1,7 milijarde evrja. Lačara auto-drom Sremeski Rača-Kuzmin, odotar po dur ka kera rekonstrukcia dromeski dži Bjeljina. Palem lačara auto-drom ini sigutni dromutnikani Ruma-Šabac-Loznica. Ka lačara ini drom Slijepčevići-Badovnici. Kera sa te oven so po paše amare duj raštre. Adžahar, kupate ka roda ini čhandipe te resolpe sastrnalutni konekcia maškhar Beogradi thaj Sarajeva, so sito jekha jekh moldikano. Vaš odova šaj te adžukhara barjaripe kinipe-bikinipasko thaj servisjengo, sar ini pošukhar šartja amare dizutnenge”, phendja voj.

 

Ministri Mitrović phendja kaj hramosaripe akala duj haljovipe but moldikano momenti vaš Republika Srpsko, Bosna thaj Hercegovina thaj Srbija.

 

“Purt Bratoljub agorisimo pana 2017. berš, ama adžukhardilo dži decembri 2019. Sar te avelpe ko jekhavazi politikake pozicie trine themjengo. Lačardipe nevo samatrendako nakhavipe Bratunac pana pobut ka phenol duj phuvja thaj ka sigarol transporti robako thaj dromutnengo, pedo čaljardipe sarenengo. Nais Srbiake thaj presidento Vučićeske pedo lačardipe purkjako Bratoljub. Ini dujto halovipe sito moldikano, andjam kupatni pratsav te adikharenpe 11 purtja. Ano pučhipe siton samalikane projektja vaš solduj phuvja, vaš barjaripe akale agoresko thaj ekonomiako thaj anglunisaripe dživdipe dizutnengo”, phendja Mitrović.

 

Aleksandar Djordjević phendja kaj oleske sar ambasadori Srbiako čaljardipe kaj themeske ano akala thanutnipe dela pe labaripe purt Bratoljub.

 

“Adikharava kaj aver bukja ka oven agorisime dži marti ano avutno berš. Purtja ani Drina savakht sine hanig dživdipaski duje themengi. A Srbia, sar majbutemanušengi raštra ano Balkani, siola obligacia te lačarol lače relacie thaj konekcie sarenenca”, phendja Djordjević.