RSS

You are here

Mihajlovićka ano Kragujevaci: Lačara 1.000 apartmajna, drom Kragujevac-Batočina gata ano septembri  

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive e dizakepočekatunea Kragujevacesko Radomir Nikolićea, bukja ano lačardipe apartmajna vaš dženutne servisesko vaš arakhipe ano Kragujevaci.

 

Mihajlovićka kotar odova phendja kaj momentalno agorisinenape 216 apartmajna ano akaja diz thaj kvašipe olenda uč bikisalo.

 

„Ano Kragujevaci ka lačarenpe paše jekh milja apartmajna molipa 33 milijojna evrja, dži molipe sa apartmajnengo save lačarenape ano efta dizja prekal 70 milijojna evrja.Barikani sim pedo sektori lačardipasko, nais sa kompanienge thaj bučarnenge soske kerde buti ano vakhti dži sine avrirndomi situacia. Srbia ano nijekh momenti ano vakhti epidemiako na ačhili“, phendja voj.

 

Telopresidentka Thagarutna phendja kaj ano daj avutno bešipe Thagarutnako  ka dikhlarolpe ini bahami kaj akala apartmajna šaj te kinen ini sastipaske thaj edukaciake bučarne.

 

Mihajlovićka po angle avdive dikhlardja ini bukja ani lačardipe dromesko Kragujevac-Batočina „Ano septembri ka ovelamen pherdo agorisimo akava drom pedo savo but lunge adžukhardilo thaj savo but lunge ini lačardilo“, phendja voj.

 

Radomir Nikolić naisardja telopresidentkake Mihajlović thaj Ministribaske pedo ažutipe phando akale projektea.

 

„Pherdo tempoa dža angle e projektea lačardipe apartmajnengo. Kragujevaci akana lela kompletno nevo bešipaskothan. Uzo apartmajna la ini te lačara dromeski infrastruktura, sar ini prohodisaripasko elementja“, phendja vov.

 

Nebojša Šurlan, direktori Lačardipaska direkciako Srbiako, phendja kaj dži ko leipe 2021. berš ka ovol agorisimo 1.500 apartmajna, a leipa 2022. pana 4.500 apartmajna.

 

„Ano Kragujevaci ano angluni faza lačara 216 apartmajna. Hramisardjam pana trin tenderja vaš aver apartmajna savengo lačardipe ka lelpe ano maji thaj juni akale beršeste. Rok vaš agorisipe sito 18 maseka. Molipe kvadratesko ano Kragujevaci sito 430 evrja plus PDV“, phendja o Šurlan.