RSS

You are here

Mihajlovićka ano Nova Varoš: Garaveni Zlatar, tana ovol sar Zlatibori

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vizituindja avdive khupate e ministrea ternengo thaj sportesko Vanja Udovčić komuna Nova Varoš thaj e vastalutnipa komunako vakhardja kotar infrastrukturake projektja, ama ini anglunisaripe njamesko jekh jekhipe.

 

Mihajlovićka vaš odova phendja kaj vaš štar berš ani rehabilitacia dromeski infrastrukra ano Zlatiboresko regioni investirisalo 3,2 milijarde dinarja, thaj kaj ano akava thaj berš savo avela ano adikharipe dromeski infrastruktura ano Novi Varoš ka ovol investirimo paše jekh milijarda dinarja.

 

“Uzo dromja, avdive vakhardjam ini kotar energetikani thaj komunalno infrastruktura ano akava agor. Moro mesažo tumenge sito te garaven Zlatari, tana ovol sar Zlatibori. Ma te holjanen Zlatiboracja, ama te ovol polačho kotar Zlatibori,  te ačhol lačardo, a te anel neve turistjen”, phendja voj.

 

Vanja Udovičić, ministry ternengo thaj sportesko, phendja kaj orjentacia ministribaski te ikalen pere kancelarie ano komune avri Beogradesta karakterišinela akaja Thagarutni savi na kerela ulavipe maškhar tikne thaj bare dizja.

 

“Sijamen but šukhar maškharipe e komuna. Kerdjam kvalitetno sporteski thaj ternengi infrastrukutura thaj nevisardjam butipe sportjenge terejna.  Reso amaro sito te vazda sporteske kapacitetja ani komuna sar te podur barjara ini sportesko turizmi”, phendja o Udovičić.

 

Radosav Vasiljević, president komunako Nova Varoš, naisardja e telopresidentkake Mihajlović, phenipa kaj bešipe sine konstruktivno thaj labdardo ano reso keripe moderno thaj lačhi Nova Varoš.

 

“Nova Varoš strategikano orjentišimi vaš barjaripe turizmi. Odova našti bi barjaripe infrastrukturako thaj khuvdjam ani rekonstrukcia thaj lačardipe pobut droma. Maj angle drom kotar Branoševci dži Zlatar, a ano berš savo avela ini trujalutno drom, drom kotar Špilovo dži Ivanjica, kotar Kokino Brdo dži Jarmovci, ama ini Karadjordjeva mahala  ani diz”, phendja vov.

 

Krsto Janjušević, themutno senatori kotar akava agor, naisardja e telopresidentkake Thagarutnaki thaj ministreske Udovičić soske ano čačikane čhandipe realizuinena politika presidento Republikako Aleksandar Vučićeski thaj Thagarutna Srbiaki.

 

“Tumare bučarnenca sijen ano tereni thaj khupate agorisina problemja. Kera but buti pi infrastruktura sar bi Zlatari, Pribojsko banja thaj Zlatibori ovena kotor jekhe turistikano devipasko. Ano malavdipe  avela amenge ini Koridori 11, amen na sijam bešte phande vastenca, uč korkore kera šartja vaš pošukhar avutnipe”, phendja o Janjuševići.

 

Telopresidentka Thagarutnaki dži sine ani vizita komunake Nova Varoš lela kotor ini ano putaripe Kancelariako vaš njamesko jekh jekhipe akala komunako.