RSS

You are here

Mihajlovićka ano Piroti: Komunalno infrastruktura prioriteti, investirina 3,5 milijarde evrja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive nevolačardimo sistemi vaš šužardipe pajnesko vaš pijibe ano Piroti thaj vaš akava phendja kaj Thagarutni Srbiaki andja pratsav kaj komunalno infrastruktura sitoj prioriteti ano avutno periodi, sar ini kaj ano projektja ano akava sektori ka ovol investirimo paše 3,5 milijarde evrja.

 

Mihajlovićka phendja kaj Pirot misal šukhar organizuimo diz savo pendžardja semnipe investiripasko ani komunalno infrastruktura thaj akhardja aver lokalno korkorodirekcie te angažuinenpe  pobut ano lačardipe akale sektoresko.

 

“Našti te vakhara kotar pouče  standardi thaj pošukhar kvaliteti dživdipasko amare dizutnengo bi barjarikani komunalno infrastruktura. Voj sitoj jekha jekh moldikani sar so sitoj ini dromutni thaj energetikani infrastruktura. Musaj te ovel tumen šužo pani, kanalizacia, sistemja vaš šužardipe melale pajnengo. Uzo mukhlipaski zona moldikani vaš Pirot thaj akava kotor Srbiako, komunalno infrastruktura sitoj jekha jekh moldikani. Ano akava sistemi investirindjam 3,3 milijojna evrja, adžukharelamen ini lačardipe sistemesko vaš melale pajna, projekti ano molipe 12,8 milijojna evrja”, phendja voj.

 

Mihajlovićka lepardja kaj ano 70 lokalno korkorodirekcie ka ovol investirimo 2,5 milijarde evrja ano projektja komunalno infrastruktura, kaj e KfW banka kerenape projektja ani Vojvodina, sar ini kaj ano Beogradi realizuinelape projekti lačardipe kolektoresko.

“Ano sa odola projektja raštra investirinela 3,5 milijarde evrja. Soske nane avutnipe te sine kaj na resa šartja vaš barikano dživdipe sakole manušeske”, dendja klidutnipe voj.

 

Vladan Vasić, dizakopočekatuno Pirotesko, phendja kaj kupate e Ministriba lelile thaj agorisalile but infrastrukturake projektja.

 

“Nevi deponia, Koridori 10, sar ini akava sistemi savea cidindjam problemja kana ovena bare brišndja, disave siton olendar. Adžukharelamen lačardipe nevo sistemesko vaš melale pajna thaj odolea kaj trujarisara ekologiako thanutnipe dizjako. Adžukharelamen ini elektrifikacia prugaki kotar Niš dži Dimitrovgrad. Šukhar sito mange so kera maškharipe thaj inicirina labdarde projektja”, phendja vov.

 

 Počekatuni Pirotesko region Dragana Tončić phendja kaj lačardipe akale sistemesko but baro reslipe vaš sa dizutnenge, soske pijena sastipasko thaj pošužardo pani, thaj sarenege arakhlilo  biproblemesko te anolpe pani ani pajneski stanica.

 

Zoran Nikolić, direktori JP “Vodovod i kanalizacija”, phendja kaj 3,3 milijojna evrja investirisalo ano aver aver projektja vaš anibepajnesko ano Pirot.

 

“Uzo nevo projekti vaš sistemi vaš melale pajna, sa 15 milijojna evrja ka ovol investirimo ano akaja tikni diz. Pakjavava kaj amaro maškharipe ka ovol šukhar ini ano avutne vakhtja”, phendja vov.