RSS

You are here

Mihajlovićka: Avipe amerikako barjaripasko fondi sitoj verifikacia vaš stabilipe Srbiako

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e  Kejleb Mekerijea, turvinutno direktoresko ani amerikaki Barjaripaski finansisko korporacia (DFC), e savea vakhardja kotar šaipe maškharipaski ani umal infrastrukturake projektja.

 

Mihajlovićka kotar odova phendja kaj Srbia angluni phuv ano regioni savi vakharela e akala federalno amerikaka agencia, thaj phendja kaj odova sito pana jekh dovada kaj maškharipe Srbiako thaj Khedutne Amerikake Raštrengo  džala uprunalutne partnerjengo thaj amalikane dromea.

 

Telopresidentka Mihajlović phendja kaj avipe amerikaka agenciako ani Srbia kotar baro semnipe vaš amara phuvjako soske akaja agencia thaj sa manuša save ola legarena anavdja direktno presidento Khedutne Amerikake Raštrengo Donald Tramp.

 

“Akava sito šukhar thaj semno simbolo vaš amari phuv thaj verifikacia stabilipe Srbiako. Avdive vakhardjam kotar infrastrukturake projektja thaj nevo investiciako ciklusi “Srbia 2020-2025”. Pačavava kaj ka ovelamen šanse te dikha pana amerikake investicie ani Srbia, soske odova semninela neve bukjake thana thaj lungaripe ekonomikano barjaripe phuvjako, so sito amaro reso”, phendja voj.

 

Kejleb Mekeri phendja kaj Srbia semni evropaki raštra, regionalno ekonomikano lideri thaj klidutni phuv vaš stabilipe thaj prosperiteti regionesko, thaj kaj Barjaripaski finansijsko korporacia KAR gatisarimi te kerol buti khupatne e Srbia thaj te doldumo ekonomikane investicienge thaj podur barjaripe phuvjako.

 

“Manga te ova partnerja ano ekonomikano labdardipe Srbiako thaj te da suporti tumare strategiake resjenge thaj phandipe Srbiako e regioneja. Adžahar, ka lungara te da dumo tumara phuvjake ano reso integracie ani Evropaki unia. Avdive sinamen lačho vakheripe thaj pačavava kaj ka kera strategiako partneripe”, phendja o Mekeri.