RSS

You are here

Mihajlovićka: Avipe DFC moldikano vaš amare regionalno phandipe, politikano thaj finansijsko stabilipe

Vaš Srbiake sito kotar baro semnipe avipe aver aver tipi kapitali thaj investicie, sar so sito Amerikako fondi vaš barjaripe (DFC), savo sito kotor amerikako thagarutnako thaj savea ka realizuina infrastrukturake projektja molipa 3,7 milijarde dolarja. Amen arakhahape ano centri regionesko thaj strategikane si moldipe regionalno te phanahape, so sitoj politika presidento Vučeićeski thaj amara thagarutnaki”, phendja ano detherinesko divutno RTS-esko telopresidentka  thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj phendja kaj tahara ka malavdinolpe e delegacia DFC, sava ka vakharol kotar konkretikane infrastrukturake projektja.

 

“Kera odova so sito šukharipe vaš Srbia. Amen sijam centri regionesko thaj regionalno phandipe sito but moldikano vaš politikano thaj finansijsko stabilipe na numa amara phuvjako, uč ini sa regionesko. Tajsa konkretikane ka vakhara kotar sakova projekti ini ano dromesko ini ano sastrnalutno dromutnipe.  Na mangelape te beša thaj te adžukhara, gata sijam, sar so ini amerikako fondi gatisarimo. Našti ani Srbia te ovol pobut kotar 14 milijarde evrja investicia ani infrastruktura, ni majšukhar lumiake kompanie te keren buti, ta na ovelamen sigurno biznisi”, phendja voj.

 

Telopresidentka Thagarutnaki phendja ini kaj putaripe regionalno kancelaria DFC politikano semno, thaj kaj vizita Aleksandar Vučićeski ani Khedutne Amerikake Raštre moldikani vaš amare bilateralno relacie lunge 130 berša.

 

“Kana sito lafi kotar phandipe Beogradi thaj Priština, auto-drom tehnipasko Niš-Merdare-Priština sito jekh kotar projektja. Reslam te finansirina angluni etapa lungi 33 km kotar Niš dži Pločnik, e DFC ka vakhara kotar lačardipe aver etapengo. Adžahar, ka phanahape ini ano sastrnalutno dromutnipe. Kana kerena infrastruktura, palem sa dromutnipe legarelape pedo odola koridorja, vakhtja pharuvinenape, a non-stop kritičarja odova bistarena”, phendja voj.