RSS

You are here

Mihajlovićka: Bahamja kanunjengo vaš posig realizacia infrastrukturake projektja

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj kanunja save kerdja bahami Ministribe thaj kotar save avdive lelape diskusia ano Parlamenti ka resolpe posig thaj poefikasno realizacia bare infrastrukturake projektja.

 

“Anglo senatorja ka arakha 13 bahamja kanunjenge thaj pratsavjenge, save siton semne vaš posig realizacia infrastrukturake projektja. Adžukharava seriozno diskusia, si but dende amandmajna thaj adikharava kaj kanunja save ka lenpe ka oven pokvalitetno palo diskusia ano parlamenti”, phendja i Mihajlovićka žurnalistjenge ano Parlamenti pana so na lelape bešipe.

 

Vakharipa kotar Bahami kanunesko kotar ulavde procedure sebepi realizacia projektja lačardipe thaj rekonstrukcia liniake infrastrukturake objekatja kotar ulavdo semnipe vaš Republika Srbia, Mihajlovićka phendja kaj Ministribe siole but empirie ani realizacia bare projektja thaj kaj ano nakhlo periodi sine but problemja ano agorisipe manginesko-juridikane relacie. “Vaš odova but var musaj te pharuvinenpe  ini lačardimaske mukhlipaske lila, vaš savo manglape but vakhti thaj odova sito sebepi so kerdjam bahami jekh ulavdo kanuni savo odova ka lačarol, sar te sigara realizacia projekatjengo”, phendja i Mihajlovićka, thaj lepardja kaj Ministribe vaš 2020. berš planirinela te startuinol realizacia projekatjengo kotar nevo investiciako ciklusi, molipa paše pondž milijarde evrja.

 

Pučljimi vaš nevipa ano Bahami kanunesko kotar pharuvipe thaj pherdipe Kanunesko kotar planiripe thaj lačardipe, Mihajlovićka phendja kaj leipa odola pharuvipe kherutne norme pana pobut ka harmonizuinenpe e regulative Evropaka uniako, sar ini procesi ikalipe urbanistikane mukhlipaske lila. “Ano kotor ikalipe licence vaš inžinjerja ka ovelamen po čučavno procedura, ama inžinjerja ka ovelolen obligacia vaš kontinuirimo kvalifikaciako sikhlovipe, soske lačardimaski buti savakht nakhela angle”, phendja i Mihajlovićka.

 

Voj pana phendja, kaj uzo kanunja kotar sektori lačardipasko, ano divutno rndo ini kanunja kotar sektori dromesko, aero thaj pajnesko dromutnipe.