RSS

You are here

Mihajlovićka bahtakerdja Dive lačardimengo: Nais bučarnenge, urbanizmi sikhavdja zoralipe ano majphare vakhtja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, bahtakerdja avdive Dive lačardimengo-8-to avgusti thaj phendja kaj lačardimaske bučarne heroja Srbiake thaj kaj lačardipe sikhavdja poro zoralipe ano vakhti majbare zumavipe epidemiako thaj ekonomikane krizako.

 

“Nais tumenge so nijekh lačardimasko than na ačhilo ni ano majbaro bufljipe epidemiako, so ano majpharo vakhti sinen ano tumare bukjake thana, posavden tunelja, lačarden droma thaj purtja, nevisarden droma thaj pruge. Pedo odova čhandipe ažutindjen te adikhara amari ekonomia thaj te, kana epidemia nakhela, dža sar phuv pana posig te barjarova”, phenela i Mihajlovićka.

 

Mihajlovićka phenela kaj ano akava momenti lačarelape pobuder kotar 250 km auto-dromja thaj sigutne dromutnikane, kaj lačarelape angluni sigutni pruga ano regioni kotar Beogradi dži Budimpešta, kaj investirinelape ano pajnesko dromutnipe, barjaripe aerodromesko, komunalno infrastruktura thaj lačarenape khera vaš dženutne ano zoralipe arakhipaske.

 

“Lačardipe ano majphare dive vaš Srbia sikhavdja poro zoralipe thaj sikhavdja kobor moldikano sito vaš olako avutnipe. Avdive ani Srbia aktivno 61.844 lačardimaske thana, dži 16.000 pobuder ze ano jekha jekh periodi ano nakhlo berš, a ano dujto kvartali 2020. Gendo bučarnengo pobaro 10 šelestar ze ano jekha jekh periodi ano 2019. But zumavipe siton anglo amende, ama pačavinava kaj, sar dži akana, khupatne ka phagalen, sar so khupate phaglam Koridori 10, lačardjam pobudr kotar 350 km  auto-dromja thaj nevisardjam pobuder kotar 550 km pruge”, phendja i Mihajlovićka.

 

Voj lepardja kaj kotor urbanizmesko ano BDP ano 2014. berš sine numa 3,2 šelestar, a ano 2019. berš resla dži 5,7 šelestar BDP. “Naisaripe sasoske so khupate kerdjam, avdive urbanizmi šerutno dumo ekonomikane barjaripaske thaj pakjavava kaj adžahar ka ovol ini ano berša anglo amende, soske adžukarenamen neve bare projektja molipa miljarde evrja”, phenela telopresidentka Thagarutnaki.