RSS

You are here

Mihajlovićka: Bučarne siton amaro barvalipe, nais bukjaka inspekciake

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr  Zorana Mihajlović, phendja avdive kaj numa kupatna bukja sa instituciengo, maksimalno godaripe kerdutnengo thaj korkore bučarnengo šaj te resolpe pobaro arakhipe bučarnengo ano lačardimaske thana.

 

“Nais inspekciake vaš buti so para kontrola resla kaj šartja bukjake ano lačardimaske thana ovena pošukhar, a bučarne maksimalno te oven uluvime. Kana dikhlardilo lačardipe kherengo ani Sremeski Mitrovica ano nakhlo kurko dikhlum kaj disave bučarne na akharena šlemja thaj šukhar so inspekcia sig reaguindja thaj sine ano lačardimasko than”, phendja Mihajlovićka sebepi kontrola savi kerdja inspekcia bukjaki ano lačardimasko thana vaš khera save kerenape agenciake vaš arakhipe.

 

“Sakova lačardimasko than savo avdive kerela buti, sito mi lafi kotar lačardipe dromengo, prugengo jase lačardipe kherengo,  but si moldikano Srbia te džal so pobut  bidukhengo prekal ekonomikani kriza ano savi arakhelape sa lumia sar sebepi pandemiako COVID-19. Odova sito bišajutno te sine kaj na kera sa vaš bučarne te oven arakhutne, a olengo sastipe garavdo. Bučarne siton amaro barvalipe thaj numa kupate šaj te ikljova po zorale kotar akaja kriza”, phenela i Mihajlovićka.