RSS

You are here

Mihajlovićka: Deni Šansa Srbiake

“Gndipe nevo investiciako ciklusesko savo la sito barjaripe ekonomijako thaj keripe šartja vaš pošukhar dživdipe thaj egzistiripe. Thagarutni Srbiaki but investirinela ani amari phuv vaš pošukhar akate te dživdinolpe. Moro mesažo ternenge thaj sarenenge save gndinena te džan kotar phuv te den šansa Srbiake soske voj ovela polačho than vaš dživdipe”, phendja avdive ano Nova Varoš telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović.

 

Pučljimi te dol komentari kotar investiripe ano nevo investiciako ciklusi, Mihajlovićka phendja kaj numa ano disave berša save avena ani infrastruktura ka ovol investirimo majhari deš milijarde evrja.

 

“Infrastruktura sito šarti dživdipasko thaj egzistiripasko. Srbia siola semno than ano regioni thaj majharni ruta maškhar javuntno thaj rjačutno. Odova sito amaro aduti thaj vaš odova beršenca palal investirina ani infrastruktura”, phendja voj.

 

Mihajlovićka phendja kaj agorisinelape Koridori 11, ama ini kaj lelape te lačarolpe pana disave auto-dromja.

 

 “Ka la te lačara auto-drom Niš-Merdare-Priština, Moravako thaj Fruškogorako koridori, sigutne dromutne Šabac-Loznica. Kera intezivno ani rekonstrukcia sastrnalutno dromutnipen ano savo nane investirisalo dekadenca, so sito but semno vaš amaro kargo tradipe. Investirina ini ano aero dromutnipe. Misali sito aerodromi ani Niši, savo anglo štar berš sinole 1.000 dromutnen, a po agor akale beršesko ka oven 420.000 dromutne”, phendja voj.