RSS

You are here

Mihajlovićka dikhlardja bukja ani sigutni pruga Beograd-Budimpešta: Raštra anglunisarela akaboka kobor investirinela ani piri sastrnalutni

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive lačardimasko than sastrnalutno viadukti ano rami projektesko modernizacia sigutni pruga Beograd-Budimpešta thaj vaš odoleske phendja kaj ano anglojevend ano avutno berš kotar Beogradi dži Novi Sad ka tradolpe 27 minutja.

 

Mihajlovićka lepardja kaj ano nakhle trianda thaj pobuder berša nane investirisalo ano sastrnalutno dromutnipe, odova akana lačara soske phuv anglunisarela akaboka kobor investirinela ani piri sastrnalutni.

 

“Amare resja siton kaj ano avutno berš ano anglojevend dži Novi Sad te tradolpe vaš 27 minutjenge bi ačhavipa, te la so po sig bukja ano trito etapa kotar Novi Sad dži Subotica, sar ini kaj dži 2025. sijamen agorisimi etapa kotar Beogradi dži Niš. Srbia sitoj tranzitno phuv thaj agorisipa sastrnalutne Koridori 10 ova bitrujalutni ruta soske sijam 300 km po harne kotar Koridori 4 savo nakhela prekal Rumunia thaj Bugaria”, phendja voj.

 

Mihajlovićka phendja pana kaj Koridori 10 semninela phandipe regionesko e Mesmer riga thaj Evropa, akcentiriba kaj ano avutno berš ka lenpe bukja ani lačardipe sigutni pruga kotar Beogradi dži Niš.

 

“Uzo odova, ka la te vakhara e evropake partnerjenca vaš sigutni pruga kotar Niš dži Preševa, ka kerolpe ini lungaripe rekonstrukcia Bareski pruga, ani savi nane investirisalo kotar olake lačardipe. Kera buti e majlačhe lumiake kompanienca thaj investirina but baro lovo ani infrastruktura”, phendja voj.

 

Nebojša Šurlan, direktori “Infrastruktura železnice Srbije”, phendja kaj ani akaja etapa momentalno kerelape buti pedo tuneli thaj viadukti Čortanovci, thaj kaj stepeni realizaciako 92 šelestar.

 

“Sar investitori čaljardo sim anglunipa, ani divutni komunikacia sijam thaj sa agorisina kupate. Sigurno sim kaj bukja ka agorisina ano kontraktesko roki”, phendja vov.

 

Mansurbek Sultanov, direktori ranikako “Rusiake sastrnalutne” ani Srbia, savi kerela bukja, naisardja pedo pačavipe savi dendilo akala kompaniake thaj phendja kaj siton barikane so šaj te len kotor ano bare projektja thaj moldikano adamo angle ani istoria Srbiaki.

 

“Akava projekti sito semno na numa vaš Srbia, uč ini vaš Balkani thaj Evropa, lafi sito kotar integrišipe srbikani sastrnalutni ano panevropako koridori. Kerdjam šukhar maškharipe srbikane thaj rusikane firme. Kerelape ini dispečerjengo centri thaj kupate ka rekonstruišina ini Bareski pruga”, phendja o Sultanov.