RSS

You are here

Mihajlovićka dikhlardja bukja ano auto-drom ko Niš: Beršeste ulava 160 milijojna evrja vaš adikharipe dromengo

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović dikhlardja avdive e direktorea “Putevi Srbije” Zoran Drobnjakea bukja pi rehabilitacia auto-dromesko pi etapa Niš-Merošina, thaj kotar odova phendja kaj ano berš ulavelape pobuder kotar 160 milijojna evrja vaš adikharipe thaj rehabilitacia dromengo ani Srbia.

 

Mihajlovićka phendja kaj vaš akava berš planirimo rehabilitacia 191 km auto-droma thaj dži akana agorisimo 140 km.

 

“Dromutnipa čačikane tiknjardilo, sar ini avipelovengo firmako”Putevi Srbije”, ama amen musaj te legara logari kotar amare droma thaj te gatisarahape vaš sa avutne berša. Nane kotor Srbiako ano savo na kerelape buti. Kerenape ini bare projektja, sa lačardimaske thana siton putarde thaj odova sito moildikano vaš amaro ekonomikano barjaripe”, phendja voj.

 

Mihajlovićka lepardja kaj ini rezultatja ano urbanizmi ano dujto kvartali ano akava berš but šukhar, thaj kaj notirina vaš 10 šelestar pobut bučarne ze ano jekha jekh periodi ano nakhlo berš, ini odova majuče ano sastrnalutne thaj dromutne projektja, 14 šelestar.

 

Ano dikhlaripe bukjengo lela kotor ini počekatuni Nišesko regioni Dragana Sotirovska, phendja kaj nane polačhe phenipe ze kana amenge raštra sikhavela kaj saren sijam but moldikane, thaj bi dikhipa ano savo kotor Srbiako dživdina, ažutipe sito akate.

 

“Akaja rehabilitacia auto dromeski sitoj moldikani soske legarela podur ko mesmeri, a truminol ini turizmi ano akava agor. Lošalova adžahar ini vaš lačardipe auto-dromesko kotar Niš dži Merdare, soske odova sito semno vaš podur barjaripe sa dizjengo thaj komunengo ano akava kotor Srbiako”, phendja voj.

 

Zoran Drobnjak phendja kaj momentalno kerelape rahabilitacia etapaki lungi 5,6 km thaj bukja ka oven gata vaš dešutne dive.

 

“Adžahar, kera ini etapa kotar Ražanj dži Aleksinac lungi 23 km. Kotar krediti EBRD palem ka la te kera ini sastuni rig”, phendja vov.