RSS

You are here

Mihajlovićka dikhlardja bukja ano lačardipe sigutni pruga Beograd-Budimpešta

Telopresidentka Thagarutna Republika Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, dikhlardja avdive, khupate e presidentea Republika Srbiako Aleksandar Vučićea, bukja ano lačardipe sigutni pruga Beograd-Budimpešta, ani etapa kotar Beogradi dži Stara Pazova.

 

Vučić palo dikhlaripe bukjengo thaj prezentacia projektesko ki Stara Pazova phendja kaj dži 31.marti 2021. etapa Beograd-Stara Pazova ka ovol gata vaš dromutnipe, a dži avgusti jase septembri 2021. berš ini pruga kotar Beogradi dži Novi Sad. Dži 2024.berš, sar phendja, ka ovol agorisimi ini etapa kotar Novi Sad dži Subotica, so ka resolpe kaj kotar Beogradi dži Budimpešta pampurea ka avolpe vaš paše duj satja thaj 45 minutja.

 

Ambasadorka ThR  Kinaki ano Beogradi Čen Bo phendja kaj lačardipe sigutni pruga Beograd-Budimpešta jekh kotar majsemne projektja ano rami Iniciativako “Kustik thaj drom”. Voj phendja kaj nijekh projekti save legarena kinake kompanie ani Srbia na ačhile ano vakhti epidemiako korona virus, sar ini kaj pakjavela kaj kinake kompanie ka lungaren te den poro reslipe vaš saslaripe srbiaki ekonomia.

 

Lungipe etapako Beograd centar-Stara Pazova sito 34,5km, molipe bukjengo 350,1 milijojna dolarja, a kerdutno bukjako sito konzorcijumi kinake kompanie “Chine Railway international” thaj “China Communications construction  company”.