RSS

You are here

Mihajlovićka: Donacia kotar 8,3 milijojna vaš beogradesko metro, akana veke našti palal!

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, hramisarda avdive e ministarka vaš evropake integracie thaj ambasadorea Franciako ani Srbia, Žan-Luj Falkonea, Halovipe kotar donacia 8,3 milijojna evrja vaš realizacia projekti beogradesko metro. Ano hramosaripe lela kotor ini dizakopočekatuno Beogradesko Zoran Radojičić.

 

Mihajlovićka kotar odova phendja kaj akava sito moldikano dive ani realizacia semno infrastrukturako projekti, savo, sar dikholpe ka ovol maškhar 4,5 thaj 5,5 milijarde evrja.

 

„La te kera studia praktiribaski, ideako agorisipe thaj studia te dikholpe influenca pedo dživdipasko maškharipe. Veke nane palal. Pedo fundo akava, ka la šuže karingope sar ka dikholpe angluni linia metroski thaj gatisaripe vaš avuni faza, a odova sito starti lačardipasko. Vaš komparaciake, Srbia momentalno realizuinela majbaro infrastrukturako projekti ano akava kotor Evropako, a odova sito lačardipe sigutni pruga Beograd-Budimpešta, molipa paše duj milijarde evrja. Beogradesko metro ka ovol majbaro thaj majpharo infrastrukturako projekti, molipa duj te kvaš var pobut kotar sigutni pruga“, phendja voj.

 

Telopresidentka Thagarutnaki phendja pana kaj Srbia ano nijekh momenti na ačhili ano gatisaripe akale infrastrukturake projektea, thaj kaj vakharelape ini e Thagarutna Franciaki thaj e kinake partnerjenca kotar čhandipe realizacia projektesko.

 

Jadranka Joksimović phendja kaj barjaripasko maškharipe e Francia bisungalo sikhavela kaj akaja raštra pendžarela Srbia sar seriozno kandidati vaš khuvipe ani Evropaki unia, thaj kaj semno so vaš strategiako partnere ano pobut infrastrukturake projektja sijamen Francia.

 

„E Francia sijamen strategiako maškharipe ano but reformake procesja. Odova našti sine te ovol ta na kera thaj ta na realizuina ini podur klidutne reforme thaj avdive sijam raštra sava but džene mangena te keren maškharipe thaj te investirinen ani Srbia sar te pašova pedo niveli barjaripasko save siolen phuvja EU-ke“, phendja voj.

 

Dizakopočekatuno Beogradesko Zoran Radojičić phendja kaj beogradesko metro sito kotar kapitalno semnipe vaš Beogradi thaj Srbia.

 

„Lačardipe metro ka bajakara kvaliteti transportesko ano amari šerutni diz. Kerlape nota kaj 30 šelestar Beogradjajna ka tradolpe metroa. Pedo akava čhandipe ka resa adikharipe dživdipasko maškharipe thaj pošukhar kvaliteti dživdipasko ano Beogradi“, phendja o Radojičić.

 

Ambasadori Franciako ani Srbia Žan-Luj Falkoni phendja kaj beogradesko metro ano centri ekonomikano maškharipe Srbiako thaj Franciako thaj kaj hramosaripe avdisutno halovipe sito semno thaj konkretikani etapa vaš akava seriozno thaj lungoberšengo projekti.

 

„Francia sitoj vaš odova te doldumo Srbiake ano akava projekti. Pakjavava kaj franciaki ekspertiza ani realizacia kompleksno projektja ano transportesko sektori dela siguripe vaš labdaripe akale semne infrastrukturno projekti“, phjendja o Falkoni.