RSS

You are here

Mihajlovićka: Drom Kragujevac-Batočina musaj te ovol agorisimo ano marti 2020. berš

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, vakhardja avdive e akterjenca ano projekti lačardipe dromesko Kragujevac-Batočina, savo sito semno vaš phandipe Kragujavacesko e Koridorea 10.

 

“Vaš Ministribe sakova projekti sito semno, sito mi vov tikno jase baro nane semno, soske  ano tph.tikne projekta, sar sitoj etapa kotar pondž kilometarja, saren manglape te sikaven kabilipe te keren buti vaš ini pedo but pobare projektja save amen sar raštra ka kera ano periodi savo avela. Amenge agorisipe dromesko Kragujevac-Batočina jekha jekh semno sar ini auto-dromja save lačara thaj etape prugengo save modernizuina”, phendja i Mihajlovićka.

 

 Voj phendja kaj nane čaljardi efikasipa bukjengo thaj koordinacia maškhar akterja ano projekti thaj vaš odova bešipa ano save ka dikhlarolpe anglipe  akana ka adikharenpe sakova kurko. ”Adžukharava kaj investitori, kerdutno bukjengo thaj projektanti agorisinena problemja, te pačavinen halovipe thaj akaja etapa te ovol agorisimi dži po agor martesko 2020. berš”, phendja  i Mihajlovićka.

 

Ano bešipe lele kotor dženutne investitoreske, JP “Putevi Srbije”, kerdutno bukjengo “PZP Kragujevac”, projektani CIP, sar ini direktori Republikako geodetsko zavodi, Borko Drašković.