RSS

You are here

Mihajlovićka: Dži po agor 2021. sigutni pruga kotar Beogradi dži Novi Sad, auto-drom Pojate-Kruševac thaj Čačak-Požega

Telopresidentka Thagarutna Srbiaki thaj ministarka vaš lačardipe, dromutnipe tha infrastruktura, prof. dr Zorana Mihajlović, phendja avdive kaj dži po agor avutno berš ka oven agorisime trin bare infrastrukturake projektja: sigutni pruga kotar Beogradi dži Novi Sad, etapa auto-drom “Miloš Veliki” kotar Preljina dži Požega thaj angluni etapa Moravako koridoresko, kotar Kruševac dži Pojata.

 

“Ano decembri  2021.berš plani sito te ovelamen agorisimi angluni etapa auto-dromeski Pojata-Preljina, lungipa 27 km, kotar Pojata dži Kruševac. Adžahar, ano anglojevend ano nakhutno berš agorisina etapa sigutna prugako kotar Beogradi dži Novi Sad thaj atoska ka ovenamen ini anglune sigutne pamurja pedi akaja relacia save ka traden trujal 25 minutja. Odova nane numa pučhipe phandipasko Beogradi thaj Novi sad, uč sikhavela kobor semnipe raštra dela vaš moderniripe sastrnalutnako”, phendja Mihajlovićka dostuipa ano TV Prva.

 

Voj pana phendja kaj dži po agor avutno berš ka ovol agorisimi ini etapa auto-dromeski “Miloš Veliki” kotar Čačak dži Požega, jekh kotar urbanistikane majphare ano sa auto-drom.

 

Mihajlovićka phendja kaj bukja pedo infrastrukturake lačardimaske thana na ačhile ano nijek momenti, ni ano majpharo vakhti epidemiako thaj avrirndomo situacia, ama disave aver sektorja, sar so sito aero dromutnipe, sinole bari škodra.

 

“Ano vakhti epidemiako saren dikhle kobor moldikano te oveltu nacionalno kompania, soske e “Er Srbija” inardja milje amare manušen kotar sa lumia thaj legardja humanitarno ažutipe ani Srbia. Bidilemako kaj raštra ka ažutinol “Er Srbija”, odova kerelape ani sa lumia thaj odova ini Evropake da sar turvinutnipe, ama diso pobuder kotar akava ka džana palo vakheripe e partnerjenca ani akaja kompania”, phendja Mihajlovićka.