RSS

You are here

Mihajlovićka e DFC-eja: Bare projektja anglo amende, reso regionalno phandipe

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e delegacia Maškharthemutni barjaripaski finansijsko korporacia (DFC) thaj ola vakhardja kotar infrastrukturake projektja moldikane vaš konekcia Beogradi, Priština thaj sa regioni, sar ini kotar zorakharipe džuvljengo thaj suporti džuvljenge bizniseske. Ano bešipe lele kotor ini ambasadori KAR ani Srbia Entoni Godfri.

 

Mihajlovićka sebepi akava phendja kaj ano avdisutno bešipe vakhardilo kotar odova sar te anglunisarenpe relacie amare duje raštrengo, poulavdipe ani infrastruktura.

 

“Avdive sine lafi kotar projektja kotar save vakharde duj presidentja ano Vašingtoni, sar ini kotar regionalno phandipe savo vaš Srbiake kotar baro semnipe. Ministribe formirindja timi savo 24 satja ka kerol e DFC-eja, sebepi pedo bare projektja save siton anglo amende”, phendja voj.

 

Mihajlovićka pana phendja kaj sine ulavdo vakheripe kotar auto-drom tehnipasko Niš-Merdare-Priština, ama ini kotar sastrnalutno dromutnipasko thaj regionalno projektja.

 

“Ano avutne berša, uč tahara, ka lungara e gatisaripe dokumentacia thaj musajutne informacie thaj but sig te ovelamen realizacia savi šaj te da amare themeske”, phendja Mihajlovićka.

 

Ambasadori Entoni Godfri naisardja e telopresidentkake pedo šukhar bešipe, thaj profesionalizmi, šukhar gatisaripaske thaj vizia Srbiaki vaš phandipe regionea.

 

“Savakht nakhava inspirišimo bešipa e Telopresidentka thaj olake timea. Sa akava sito moldikano thaj ano rami e kupatne resoa amare duje raštrengo, kotar savo vakharde ini presidentja Vučić thaj Tramp. Gatisarime sijam te kera buti e Ministriba vaš te ovelamen rezultatja save ka anglunisaren kvaliteti thaj standardi dživdipasko dizutnengo ani Srbia”, phendja o Godfri.