RSS

You are here

Mihajlovićka e firma “Koridori Srbije” kotar bare infrastrukturake projektja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e Milovan Bekrićea, ažutno direktoresko thaj timea inžinjerengo kotar “Koridori Srbije” thaj olenca vakhardja kotar realizacia infrastrukturake projektja pedo save akaja firma investitori.

 

Mihajlovićka ini akana phendja kotar moldikanipe lačardipasko Moravako koridori, savo ka phanol kvašo milijoni dizutne Srbiake save dživdinena ani centralno Srbia, sar ini Koridori 10 thaj auto-drom “Miloš Veliki”.

 

“Vakhara kotar jekh majkompleksno projektja save realizuina e jekha kotar majšukhar lumiake kompanie, tumen situmen bari empiria thaj adžukharava kaj bukja ka kerenpe pedo majuče standardja, kvaliteti thaj kontrakteske rokja. Ministribe sito akate, sar ini dži akana, te dol suporti te ova pošukhar thaj poefikasno”, phendja voj.

 

Ano bešipe sine lafi ini kotar lačardipe auto-dromesko Niš-Merdare-Priština, sar ini lačardipe auto-dromesko thaj sigutni dromutnikani Ruma-Šabac-Loznica.

 

“Adžukharava kaj lačardipe angluna etapako kotar Niš dži Pločnik ano lungipe kotar 33 km lelape ano angluno kvašipe avutne beršesko, dži bukja ani purt pedi Sava ka lelpe ano avutno kurko”, phende dženutne kotar “Koridori Srbije”.