RSS

You are here

Mihajlovićka e kinaka kompania CRBC: Molipe khupatne infrastrukturake projektja pobare kotar efta milijarde evrja

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e Džang Sjaojunea, direktorea kompaniako CRBC ani Srbia, thaj olea vakhardja kotar aktuelno thaj avutne projektja save akaja kompania realizuinela ani Srbia.  

 

Mihajlovićka phendja kaj sebepi avdisutne bešipasko disave moldikane projektja save khupatne realizuinena thaj savengo molipe sito pobuder kotar efta milijarde evrja.

 

“Uzo lačardipe auto-drom kotar Preljina dži Požega, savo sito akana, amenge but moldikano lačardipe Fruškogorako koridori, lačardipe projektesko-tehnikaki dokumentacia vaš etapa kotar Požega dži Duge poljane, sar ini lačardipe sigutni pruga Beograd-Niš thaj Niš- Preševo. Tumara kompania sijamen but šukhar maškharipe thaj labdarde agorisime projektja thaj pačava kaj ini ano avutne bukja šukhar ka kera maškharipe”, phendja voj.

 

Džang Sjaojuen sikhavdja čhaljardipe sebepi neve khupatne projektja thaj resja thaj naisardja telopresidentkake thaj timeske ano Ministribe pedo džiavdisutno suporti.

 

“Ini so sine epidemia korona virus, saren kerdjam bari buti dži akana. Lošalova so ka lundjara maškharipe ini ano neve, vaš Srbia semne projektja. Gatisardjam dokumentacia vaš etapa auto-drom kotar Požega dži Duge Poljane, gatisarde sijam vaš Fruškogorako koridori, ama ini vaš podur vakheripe kana sitom ano pučhipe rekonstrukcia sigutne pruge”, phendja vov.

 

Ano bešipe lele kotor direktorja “Infrastruktura železnice Srbije” thaj Instituti vaš droma, kerdutno direktori “Putevi Srbije”, dženutne Dromutnikane institutesko CIP, sar ini dženutno ambasadako ThR Kinako.