RSS

You are here

Mihajlovićka e neve direktorea kinaki sastrnalutni ano Beogradi: Sigutni pruga Beograd-Budimpešta majmoldikano projekti Srbiako thaj Kinako

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e direktorea kinaka kompaniako “China Railway International Corporation” (CRIC) Dje Jingea, savea vakhardja kotar realizacia projektesko moderniziripe sigutni pruga kotar Beogradi dži Budimpešta. Ano bešipe lela kotor ini ekonomikano turvinutno ani Ambasada ThR Kinako ani Srbia Tang Sjaodung.

 

Mihajlović mangla šukharavipe direktoreske kompaniako CRIC, savi kerela bukja pedo lačardipe etapako kotar Beogradi dži Stara Pazova, sikhavipa adžukharipe kotar lungaripe labdardo maškharipe.

 

“Lafi sito kotar majmoldikano infrastrukturako projekti maškhar amare duj raštre, adjukharava kaj Tumare avipa bukja ka oven pana poefikasno thaj ano anglojevend ano avutno berš dži Novi Sad sigutna pruga ka avolpe vaš kvašo sato moderno pamurjenca. Raštra thaj Ministribe siton, sar ini dži akana, odote 24 satja te da sakova ažutipe thaj devipedumo vaš bukja te anglunisarinen thaj te kerenpe ano majšukhar kvaliteti”, phendja voj.

 

Telopresidentka Thagarutnaki phendja pana kaj ani Srbia but lačarelape, ama angluno drom lačarelape sigutni pruga vaš projektuime sigutnipe kotar 200 km ano sati.

 

“Akava projekti palo savo bešena duj presidentja, Aleksandar Vučić thaj Si Djinping, odova sito projekti amara duje raštrengo thaj duj themengo thaj moldikano sito sa te nakhol pedi kontrakteski dinamika thaj plani. Ano pučhipe sito kompleksno buti, ama ano oleste sijam kupate, pedo šukharipe amare dizutnenge”, phendja Mihajlovićka.

 

Dja Jinge penžjardja Telopresidentka kotar anglunisaripe thaj dinamika bukjengo pedi akaja etapa, sikhavipa naisaripe pedo devipedumo thaj ažutipe Ministribasko.

 

“Lačardipe sigutni pruga kotar Beogradi dži Budimpešta sito ano kupatno interesi duje raštrengo thaj amari obligacia sar kerdutnengo odova ini te realizuina. Kerdjam sa vakhti dži sine avrirndomo situacia, avipe matrijalesko thaj vastušejengo sito stabilno thaj sa bukja kera ano rami e evropake standardjenca”, phendja vov.

 

Tang Sjaodung naisardja pedo buti thaj ažutipe Ministribasko, phenipa kaj urbanistikano sektori but moldikano ano adikharipe ekonomiako thaj olako barjaripe ano vakhti epidemiako savi zumavdili korona virusea.