RSS

You are here

Mihajlovićka e “Putevi Srbije” thaj “Koridori Srbije” kotar infrastrukturake projektja dži sitoj epidemia: Lačardipe na ačhola

Telopresidentka Thagaruna Srbiaki thaj ministarka vaš lačardipe, dromutnipe thaj infrastruktura prof. dr Zorana Mihajlović malavdisali avdive e Zoran Drobnjakea, direktori “Putevi Srbije” thaj Zoran Babićea, direktori “Koridori Srbije” thaj olenca vakhardja kotar realizacia infrastrukturake projektja ano dromesko dromutnipe, thaj dikhlaripe škodrako sebepi epidemia virusesko Covid-19.

 

“Kriza sebepi epidemia korona viruseski khuvela sa phuvjen thaj musaj kaj kerela presia pedo sa ekonomie lumiake. Lošakarela mande so ini uzi adžahar situacia save arakhahape baro gendo lačardimaske thanengo kerela buti thaj Ministribe sito odote te dol sasavo ažutipe thaj suporti kaj lačardipe, sar moldipasko faktori ano ekonomikano barjaripe, adikharelape”, phendja i Mihajlovićka.

 

Telopresidentka Thagarutnaki rodindja kotar direktorja akale duj publikake firmenda te keren lista prioritetja thaj bahami napjengo vaš sanacia škodraki savo kerdilo sebepi epidemiako.

 

“Raštra gatisarinela plani napjengo vaš sanacia škodraki  save kerdili akala globalno kriza thaj dromesko sektori ulavdo ka ovol astardo akale programea.Moldipe sito te adikhara kontinuiteti ani buti thaj realizacia bare infrastrukturake projektja, sar so sito Moravako koridori, lačardipe auto-dromesko kotar Preljina dži Požega jase Trujalutno drom trujal Beogradi, sar ini kaj disave projektja pašara po agor, ini uzi epidemia, sar so sitoj etapa auto-dromeski kotar Batrovci dži Kuzmin”, phendja voj.