RSS

You are here

Mihajlovićka e Rusiake sastrnalutnenca: Lungara rekonstrukcia Bareski pruga

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, malavdisali avdive e anglune javerutnea generalno direktoresko “Rusiake sastrnalutne” Sergej Pavlovea thaj olea vakhardja kotar aktuelne thaj avutne infrastrukturake projektja ano sastrnalutno sektori. Palo bešipe, Mihajlovićka, Pavlov thaj ambasadori Rusiako Federaciako ani Srbia Aleksandar Bocan-Harčenko lele kotor ano hramosaripe kontraktesko vaš keripe projekteski-tehnikaki dokumentacia vaš rekonstrukcia thaj modernizacia Bareski pruga ani etapa Valjevo-Vrbnica-raštraki samatrenda e Crna Gora.

 

Mihajlovićka sebepi akava sikhavdja čaljardipe soske so lungarelape maškharipe e jekha kotar majšukhar lumiake kompanie, savi pere čhandipa bukjako, dinamika thaj kvalitetea ano majmoldikano thaj majzumavipasko projekti moderniripe prugako Beograd-Budimpešta verifikuinela kaj labdardo ka dol amboldipe ini kotar akaja buti.

 

“Srbia agorisindja te investirinol ani infrastruktura, poulavdipe ani sastrnalutni, savi jekha jekh moldikani sar ini dromeski vaš barjaripe amara phuvjako. Ka lačara ini sigutni pruga Beograd-Niš, sar ini Niš-Preševo, ka rekonstruišina regionalno pruge. Pakjavava kaj ano avutno berš ka la te lačara nevo moderno dispečersko centri save sito musajutno amenge, sebepi pedo sa investiripe ani sastrnalutni. Rekonstrukcia Bareski pruga sitoj phari thaj zumavni, siola 250 tunelja thaj pobuder kotar 230 purtja, ama pakjavava kaj Rusiake sastrnalutne ka den ambodipe ini pedo akala problemja thaj kotar 2022 ka lenpe bukja”, phendja voj.

 

Mihajlovićka pana phendja kaj sine lafi ini kotar pana siklovipe amare studentjenge thaj inžinjerenge ani Rusia, thaj kotar šaipe olenge te reselpe te keren buti ano sektori sastrnalunako kana inarenape ani Srbia.

 

Sergej Pavlov phendja kaj Rusiake sastrnalutne sar jekh kotar majbare lumiake kompanie, kupate e Thagarutna Srbiaki, ka kerol pedo odova kaj sastrnalutne Srbiake podur barjrenpe.

 

“Lelam buti te agorisina projektiripe akala etapako Bareski pruga ano avutno berš thaj ano 2022. te startuinenpe bukja. Ano pučhipe sito kompleksno buti, ama amari kompania ka dol amboldipe e Thagarutna Srbiake. Sa džiavdisutne projektja kerenape ano rami e dinamika, bi dikhipa pedo šartja pandemiake. Khonik kotar odova ne ovela sine ta na ovelamen suporti kotar amare partnerja, jase Thagarutni Srbia. Nais telopresidentkake pedo odova”, phendja Pavlov.

 

Ambasadori Bocan-Harčenko phendja kaj kupatne projektja save Rusiake sastrnalutne ani Srbia realizuinena arakhenape talo khak duje presidentjengo-Aleksandar Vučić thaj Vladimir Putin.

 

“Akala projektja siton kotor infrastrukturako barjaripe Srbiako thaj biulavdo kotor mesmer javinutna Evropako ano dikhipe transportesko. Avdisutno bešipe, sar ini sakova bešipe e Telopresidentka sine baravalo. Sikhavava naisaripe srbikana rigake pedo maškharipe thaj savi dela suporti ani realizacia projektjengi. Pakjavava kaj sa ka ovol agorisimo ano rokja”, phendja vov.

 

Kontrakti vaš keripe projektesko-tehnikaki dokumentacia vaš rekonstrukcia thaj moderniripe prugako ani etapa Valjevo-Vrbnica-raštraki samatrenda e Crna Gora hramisarde Nebojša Šurlan, k.b. generalno direktori ani “Infrastruktura železnica Srbije” thaj Sergej Stoljarov, k.b. generalno direktori ano “RŽD international”.