RSS

You are here

Mihajlovićka: Ina milijarde evrja vaš neve infrastrukturake projektja

“Srbia avdive sitoj politikane stabilno raštra, e stabilno budžetea savo amenge resela te realizuina bare infrastrukturake projektja ano save ano rami investiciako plani 2020-2025.ka ovol investirimo ina milijarde evrja”, phendja Telopresidentka Thagarutna Srbiaki thaj  ministarka vaš lačardipe, dromutnipe thaj infrastruktura, prof. dr Zorana Mihajlović.

 

Voj, dostuipa ano detharinesko programi TV Prva, phendja kaj Srbia vaš štar beršenge lačardja 350 km auto-dromja thaj rehabilituinga pobuder kotar jekh milja regionalno droma.

 

“Sa so kerdjam ano nakhlo periodi dela mange hakaj thaj legitimiteti te phenav kaj ka lačara 500 km auto-dromja. Momentalno lačara 250 km auto-dromja, a ka investirina ini jekh milijarda evrja vaš rekonstrukcia thaj rehabilitacia pondž milje lokalno thaj regionalno droma. Avdive ani Srbia kerena majšukhar lumiake kompanie, so sito ini dovada amara politikano stabilipasko”, phendja voj.

 

Mihajlovićka pana phendja kaj Srbia investirinela ano sastrnalutno dromutnipe, thaj kaj palem nevisaripe 77 km Bareski pruga kotar Resniko dži Valjevo, ano berš savo avela ka lelpe te nevisarolpe kotar Valjevo dži samatrenda e Crna Gora, sigipa 120 km/h.

 

“Bareski pruga lačardili angle 44 berš thaj akaboka nane investirisalo ando olate. Akaja Thagarutni nevisarda anglune 77km thaj lungara podur.Amen avdive sijamen majbaro sastrnalutno lačardipasko than ani mesmerjavinutni Evropa, realizuina sigutni pruga kotar Beogradi dži Budimpešta kotar molipe štar milijarde evrja. Ano berš savo avela ka la ini te lačara sigutni pruga kotar Beogradi dži Niš, sava pampurja adžahar ka džan 200km/h, a palem ini kotar Niš dži Preševa. Manga dizutne te ovelolen hačaripe averčhane thaj pošukhar kvaliteti thaj čhandipe dživdipasko”, phendja voj.