RSS

You are here

Mihajlovićka: Infrastruktura sitoj lokomotiva savi truminela e Srbia angle

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja ano detharinesko programi TV Hepi kaj Srbia ano rami nevo Investiciako plani 2020-2025 ka investirinol ina milijarde evrja ani infrastruktura, ano odova ini dromutni, sastrnalutni, komunalno thaj socialno infrastruktura.

 

“Momentalno kera 230 km neve auto-dromja, sar so sito Moravako koridori thaj auto-drom Sremeski Rača-Kuzmin, savo amen ka phandunel e BthajH. Ano Investiciako plani “Srbija 2020-2025” ka lačara neve 500 km auto-dromja. Planirime siton “Vožd Karadjordje” savo ka phandunel centralno e rjačutni, mesmerutni thaj javinutni Srbia, sar ini auto-drom Požega-Boljare, savo amen ka phandunel e Crna Gora. Uzi sigutni pruga savi lačara kotar Beogradi dži Budimpešta, ka lačara ini sigutni pruga Beograd-Niš”, phendja voj.

 

Mihajlovićka pana phendja kaj reso Srbiako te ovolola sasutni dromeski konekcia, thaj kaj jekha jekh siton semne magistralno, regionalno thaj lokalno dromja ano save Srbia ka investirinol milijarda evrja.

 

“Gndipe thaj vizia amara politikako sitoj kaj manuša te ačhon te dživdinen ano pere thana a investicie po lokhe thaj po sig te aven. Vaš odova amenge manglape infrastruktura. A voj uzo lačardipe sitoj miškutno ekomonikane barjaripasko thaj baripe BDP-esko. Odoleske ka resen ini apartmajna save lačara vaš dženutne ano servisi arakhipasko. Dendjum propozalo kaj odova projekti te bufljarelape ini pedo sastipaske thaj edukaciake bučarne thaj adikharava kaj  Thagarutni ka lol odova propozalo”, phendja i Mihajlovićka.

 

Telopresidentka Thagarutnaki lepardja ini kaj ani žoja putardilo avio-dromutnipe, so sito semno sar vaš ekonomia, adžahar ini vaš sa manuša save mangena te dromutnen.

 

“Semno sito ka polokhe putarahape thaj inarahape ano normalno dživdipe. Ama, ini podur te legara logari kotar sastipe. Nijekh momenti na phandjam aerodrome thaj odova amenge resla kaj “Er Srbia” inardja amare dizutnen ano vakhti avrirndomo situacia ani phuv, kaj 15.000 avrijalutno raštrune legardjam, ama ini andjam sa manglutne vastušeja thaj humanitarno ažutipe ano vakhti krizako”, phendja voj.