RSS

You are here

Mihajlovićka: Ka lačara sa, khonik na ka ačhol bi čatesko pedo šero

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj raštra ka lačarol sa škodra so uli sebepi baro pajnesko ano disave dizja ani Srbia thaj khonik na ka ačhol bi čatesko pedo šero.

 

Voj, dostuipa ani emisia“Tema jutra” ani  TV Prva, phendja kaj momentalno dromutnipe ačhavdilo ano trujal 250 km, dži  ano 180 km droma šaj te nakholpe.

 

“Kana situacia tehnisarelpe thaj vakhteske šartja stabilizuinenape, ka lačara ini trin aravde purtja, ka lačara droma thaj dizutnenge save ačhile bi kherengo ka lačara neve khera. Khonik na ka ačhol bi čatesko pedo šero, manuša musaj te ovelolen normalizuimo dživdipe. Sijamen džandipe kotar 2014. berš, sa so šaj sine te sikhlova, siklilam, andjam neve kanunja thaj akana sa nevo lačara aver čhane”, phendja voj.

 

Mihajlovićka lepardja kaj aravdimi purt ki Ljubovija lačardi 1973. thaj phendja pana kaj sa raštrake purtja jekha jekh ka kerenape sanacia, sar ini kaj raštra ažutinela rekonstrukcia thaj adikharipe ini lokalno droma.

 

“Kana lokalno korkorodirekcia našti kokori, raštra ažutinela khupate e firma “Putevi Srbije”.Thaj akala sanacie ka kerenpe kotar budžeti Srbiako. Me phenava dizutnenge ta na oven bajo, kaj sijam akate thaj kaj kera buti kupate, ka lačara sa”, dendja klidutnipe voj.