RSS

You are here

Mihajlovićka: Ka lačara sigutni pruga ini kotar Beogradi dži Niš

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja avdive kaj Srbia investirinela sa paše 6,5 milijarde evrja ano moderniziripe sastrnalutnengo thaj kaj planirinelape sigutni pruga te lačarolpe ini kotar Beogradi dži Niš.

 

“Srbia sitoj tranzitno phuv  thaj te sine kaj phanahape e regionea nane basandune te ovelamen sigutni pruga numa prekal Vojvodina. Plani sito te lačarolpe sigutni pruga ini kotar Beogradi dži Niš vaš sigutnipe dži 200 km ano sati, a kotar Niš dži Preševa vaš sigutnipe dži 160 km ano sati. Odova ka ovol but bari investicia, molipa paše duj milijarde evrja”, phendja Mihajlovićka dostuipa ano detharinesko programi TV Hepi.

 

Voj phendja kaj bukja ano etape sigutni pruga save momentalno ano lačardipe šukhar anglunisarinena thaj adžukharelape kaj ano septembri ano berš savo avela kotar Beogradi dži Novi Sad pampurea avelape vaš trujal kvašo sati. “Ano etape kotar Beogradi dži Novi Sad kerdilo buti ini dži sine avrirndomi situacia ini ano etape kote kerena buti rusiake, sar ini kinake kompanie.Dži sine avrirndomi situacia pharavdilo sasto cevi tunelesko Čortanovci, a tahara ka ovol pharavdo ini solako “, phendja Mihajlovićka.

 

Voj pana phendja kaj pedo sigutne pruge na ka ovol trušulime dromengo thaj prugengo, so sito semno vaš pobaro arakhipe dromutnipasko, dži kotar dujto rig investirinelape paše 15 milijojna evrja ano lačardipe prugake nakhavipe  ano regionalno pruge.

 

Prekal olake lafja, uzo dromeski thaj sastrnalutni infrastruktura, investirinelape but bare love ini ano barjaripe pajnesko dromutnipe, kote sa molipe investiciako paše 380 milijojna evrja.