RSS

You are here

Mihajlovićka: Ka marahape e Srbia te ovol ano top 10 ando Doing business lista, sar so sijam uč ano urbanistikane mukhlipaske lila

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, preseduindja avdive bešipa Khupatna grupako vaš anglunisaripe pozicia Republika Srbiaki pi lista Lumiaka bankako Doing business, ano savi andili pratsav vaš keripe Akciono plani ”Srbia ano top 10” pedo akaja lista.

 

 “Srbia sitoj majkonkurentno ani umal urbanistikane mukhlipaske lila, a majbaro anglunisaripe hramisardilo ano barjaripe pašloipe tiknorutne akcionarja. Palem, amen džana kaj šaj ini pošukhar. Te sine kaj šaj te ovelamen kontinuirimo anglunipe ano jekh umal, sar so siton urbanistikane mukhlipaske lila, šaj ini ano aver umalja, thaj amaro reso manglape te ovol Srbia ano anglune10 ano Doing business lista”, phendja i Mihajlovićka.

 

Voj pana phendja kaj Thagarutni Srbiaki na dikhlarela Doing business lista vaš listake, uč vaš dizutne amare phuvjake, sar te kera šartja kaj ani Srbia te dživdinolpe pošukhar.

 

Telopresidentka Thagarutnaki naisardja sarenenge so reslile kaj Srbia ano akava berš anglunisardja  poro rejtingo ano Doing business lista, ano odova ini e dženen bukajke grupake,dženen Thagarutna Srbiake, NALED thaj Diz Beogradi.

 

Ano avdisutno bešipe lele kotor ministri bi portfeljesko savo sito vaš inovacie thaj tehnologiako barjaripe Nenad Popović, ministri vaš raštraki direkcia thaj lokalno korkorodirekcia Branko Ružić, raštrake sekretarja ano Ministribe kinipe-biknipe, turizmi thaj telekomunikacie thaj Ministribe ekonomiako, Stevan Nikčević thaj Dragan Stevanović, ažutno ministarkako vaš juridika Jelena Deretić,dizakopočekatuno Beogradesko Zoran Radojičić, direktori Kancelariako vaš informaciako thaj elektronikani direkcia Mihajlo Jovanović thaj dženutne NALED-eske.

 

Sar todini, sarenenge ano bešipe ulavdile telalčhivdipe ani forma ćilimeski, vastalutni buti džuvljeno kotar gava, save kerdile ano rami iniciativako “Te čhiva pi buti jekh milja džuvlja ano ruralno thana”, sar ini blokja e mesažoa “Te ova ano anglune 10”.