RSS

You are here

Mihajlovićka: Kerdili angluni sastrnalutni kargo linia maškhar Kina thaj Srbia

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof. dr Zorana Mihajlović, phendja kaj kerdili angluni sasrnalutni linia maškhar Srbia thaj Kina.

 

"Angluno pharipasko pampuri nakhla ano marci kotar kinako diz Djinana ani provincia Šandong ki Srbia. Ani akaja kompozicia sito matrijali kompaniako CRBC thaj CCCC vaš lačardipe sigutni pruga kotar Beogradi thaj Budimpešta. Akalea Srbia lela sasrnalutni kargo linia e Kina", phendja i Mihajlovićka.

 

Duripe maškhar Djinani thaj Beogradi paše 10.500 km thaj tradipe ka ovol 25 dive. Pamuri nakhela prekal Kina, Kazahstani, Rusia, Ukraina, Slovakia thaj Ungaria, kotar avela ani Srbia.

 

"Putaripe akaja sasrnalutni kargo linia maškhar Kina thaj Srbia kerela šaipe ini vaš sa biznismejna kotar Srbia, ama ini regioni, te šaj piri roba te keren eksporti ano kinako marketi, sar ini te kerolpe importi robako kotar Kina, soske sastrnalutno dromutnipe pokinipa but po tele ze aero jase pajnesko dromutnipe", phendja i Mihajlovićka.

 

Sastrnalutno dromutnipe jekh sito kotar centralno forma dromutnipasko kinako globalno ekonomikani iniciativa "Kustik thaj drom", a sigutni sastrnalutni pruga kotar Beogradi dži Budimpešta kotor sito akale projektesko.