RSS

You are here

Mihajlovićka: Kongresi srbikako-amerikako amalipasko purt vaš neve relacije duje phuvjengo

“Te sine kaj manga te inara relacije maškhar Srbia thaj Khedutne Amerikake Raštre pedo majučo niveli savo sinamen ano phurano vakhti, musaj kupate te kera buti, kaj maškhar amende ovelamen respekti, halovipe thaj pačavinahape ano solduj rigengo interesi. Naisaripe avruna politikake presidentosko Aleksandar Vučić, savo legarela ministri avrune bukjengo Ivica Dačić, avdive sijamen šansa vaš nevo starti”, phendja aratike telopresidentka Thagarutna Srbiaki thaj ministarka vaš lačardipe, dromutnipe thaj infrastruktura”, prof. dr Zorana Mihajlović.

 

Leiba kotor ano leparnipe duj berš buti Kongresesko srbikako-amerikako amalipe (KSAP), savo kedindja baro gendo ministarja, diplomatja, biznismejna, dženutne bithagarutno sektoresko thaj medie, Mihajlovićka phendja kaj nane čučavno te mothavolpe khelavipe ani relacia Srbiako thaj Amerikako.

 

“But diso nakhlam kupate, maripa ano jekh jekh rig ano solduj lumiajake marebe kote sikhavdjam kaj sijam majzoralo partneri Amerikako. Na bistara Mihajlo Pupin, savo sine amal e amerikake presidentea Vudro Vilsonea, jase Nikola Tesla, savo kerdja patentja savo pharuvinde lumia ano Khedutne amerikake raštre”, phendja i Mihajlovićka.

 

Voj pana phendja kaj sigurno nane Amerikanci savo nane šundoj vaš Vlade Divac, Mila Jovović thaj Karl Malden, savengo kiki ani Srbia.

 

“A palem odoja kabilutni kupatni istoria kosla ratvalo ulavdipe Jugoslaviako, savo agorisalilo NATO operacia pedi Srbia. Amen odova našti te bistara, ama kotar odova nakhlo pobuder kotar 20 berš thaj musaj kupate te dikha te inara šukar relacije. Džanava kaj ilo Srbiako ano javinutnipe, ama adžahar džanava kaj Srbiake savakht sine šukhar kana olako šero inardo ko Rjačutnipe. Srbiako than sito ani Evropa, ano Rjačutnipe, ano maškharipe e KAR, ama odova nisar na semninela  te bistara sa amare amalen ano Javinutnipe”, phendja voj, thaj phendja kaj Kongresi srbikano-amerikako amalipe manglape te ovol purt ano nevo dudlardo avutnipe thaj relacije amare duje raštrengo.

 

Uzo telopresidentka Mihajlović, ano akava lošalipe vakharde ini fundatori KSAP thaj telopresidento Parlamenti Srbiako Vladimir Marinković, dženo Direkciako šerutnipe Nacionalno demokratikano instituti Džejms O Brajan, ambasadori KAR ani Srbia Entoni Godfri thaj ministri avrune bukjengo Srbiako Ivica Dačić.