RSS

You are here

Mihajlovićka: Kotar 18. maji urjavipe e Aerodromesta “Nikola Tesla”

Telopresidentka Thagarutna Srbiaki thaj ministarka vaš lačardipe, dromutnipe thaj infrastruktura, prof.dr Zorana Mihajlović, dikhlardja avdive e generalno direktorea beogradesko aerodromi Fransoa Berizea bukja ani moderniripe thaj bufljaripe Aerodromesko “Nikola Tesla”.

 

Mihajlovićka kotar odova phendja kaj akava sito starti nevo tradipasko vaš beogradesko aerodromi, thaj kaj sitoj barikani so koncesionari “Vansi” realizuinela halovipaske plajna save siton investicia kotar 700 milijojna evrja ano 25 berša so avena.

 

“Moldipe akale projektesko, sar ini lačardipe nevo kontrolno toranj, sito paše 60 milijojna evrja. Moldipe te phena ini kaj akava lačardimasko than kerela buti sa vakhti avrirndomo situacia, so sito kotar baro  semnipe vaš amaro ekonomikano barjaripe thaj dive save avena”, phendja voj.

 

Mihajlovićka uladja ini disave šukhar nevipe vaš dizutne Srbiake. 

 

“Kotar 18.maji “Er Srbiaja” lela te urjavol ko disave destinacie. Ano pučipe siton Londoni, Frankfurti, Beč thaj Cirih. Sar so džanena, odova sito phando ini kotar pratsav ikljipe thaj khuvipe ani phuv, pratsav aver raštrengo thaj propozalo profesiako. Ama, amen adikhara kaj palo 18.maji ka oven pan pobut rndome linie”, phendja voj.

 

Telopresidentka Mihajlović sikhavdja ini čaljardipe so khonik kotar bučarne ano beogradesko thaj nišesko aerodrome na nasvalilo kotar korona virus, so sikhavela kaj direkcie legarde logari thaj adikhardepe pedo napja.  

 

Generalno direktori Aerodromesko Beograd phendja kaj agorisipa akale projektesko kapacitetja ka oven duplirime, soske ka oven lačarde 11 neve gate (iklovipe).

 

,,Bukja pedo moderniripe thaj bufljaripe Aerodromesko “Nikola Tesla” kotar starti beršesko kerenape bi bare ačhavipe thaj kotar avrirndomo situacia uzo pačavipe sa propozalja thaj arakhipaske napja kompetentno orgajnengo. Ano akava momenti bare bukja nakhena ano disave lokacie, ano odova ini bufljaripe fingersko koridori C, so ka barjakharol kapaciteti aerodromesko, savo ka ovol po komforno thaj po funkcionalno vaš dromutnenge thaj avio-kompanienge. Akana siton ini bukja kotar bufljaripe platformako, sar te resolpe parkiribe pobaro gendo aviojnengo ano jekha jekh vakhti. Molipe akale bukjengo sito paše pondž milijarde dinarja. Amaro manglipe sito kaj ana peroidi savo avela te kera po lačho bešipe vaš amare dromutnenge thaj partnerjenge, sar ini semno te anglunisara niveli serviseko thaj devipe neve programja ano aerodromi”, phendja Fransoa Berizo, generalno direktori  ano “Aerodrom Beograd d.o.o”.